________________
सिरिभुयणसुंदरीकहा ॥
मज्झिमवयपरिणामो महरिहपूओवगरणपडलकरो । तक्कालण्हाणपगलंत-दीहवालग्गजलबिंदू || १४००॥ सुनियत्थसेयवत्थो निम्मलजन्नोववीयकयखंधो । अब्भक्खतो पुरओ धरायलं पाणिसलिलेण || १४०१ || काऊण सो निसीहिं पविसइ अब्भितरम्मि उवउत्तो ।
मोत्तूण पडलयं पुण पमज्जए चक्किणीभवणं ॥। १४०२ ।। कुणइ सं ( स ) मज्जणकम्मो (म्मं ) कुणइ तओ पुप्फपगरमइसुरहिं । आबद्धवयणवत्थो पूयइ चक्केसरि देविं ||१४०३॥ पढमं ण्हाण-विलेवण - पूयण-धूयक्खयाइबहुभेयं । आरत्तियपज्जंतं काऊणं परमभत्तीए || १४०४ ॥ थोऊण तओ देविं पुरओ ठाऊण रायधूयाण । उच्चारिऊण मंतं 'सत्थि'त्ति पजंपर हिट्टो || १४०५ || 'उवविससु' त्ति सपणयं भणिओ उवविसइ रायधूयाए ।
• कोसि तुमं ? कत्थच्छसि ? देवि पि किमत्थमच्चेसि ? || १४०६॥ इय एवमाइ पुट्ठो विलासलच्छीए भणइ सो विप्पो । अहमेत्थ नयरवासी भट्टो गोवद्धणो नाम || १४०७ || इह अत्थि वीरराया कुमरो सिरिवीरसेणनामोत्ति । गयणंगणंमि जेणं वियारिओ कमलकेउरिऊ ||१४०८ ॥ तस्सत्थि परममित्तो हिययसमो बंभदत्तनामोत्ति । तस्साए सेण अहं पइदियहं देविमच्चेमि ॥। १४०९ ॥ सोऊण इमं वयणं पहरिसवसवियसियच्छिविच्छोहा । आणंदपुलइयतणू चंदसिरी तक्खणं जाया ।।१४१०||
Jain Education International
१२९
For Private & Personal Use Only
www.jainelibrary.org
