________________
सिरिभुयणसुंदरीकहा ॥
नेउरसद्दाकरिसिय-चलणंतवलंतहंससोहिल्ला । लीलाकमलग्गकरा देविव्व सरस्सई पयडा ।१०२३।। संगोयंती सणियं उवरिल्लवरंचलेण सव्वंगं । मा होउ भुयणखोहो मं दटु इय मईए व्व ।।१०२४।। पूइज्जती सहरिस-विसेसविसयंत(वियसंत)नयणकमलेहिं । समकालनिवडिएहिं जणस्स पच्चूससंज्झ व्व ॥१०२५।। संजीवियं व्व सहसा असोय-सेहरयनयणमीणेहिं । कुट्ठाणताविएहिं व चंदसिरीसरिनिवाएण ।।१०२६।। अह ताण रूव-जोव्वण-विज्जा-विन्नाण-गुण-अहंकारा । चंदसिरिदसणेणं निमीलिया कमलसंडव्व ॥१०२७।। पेच्छंताणं तिस्सा अच्चब्भुयमुत्तरोत्तरसरूवं । दोण्हं पि न तव्विसया हिययवियप्पा समप्पंति ॥१०२८।। तिस्सा रूवनिरूवण-पवरसहिययाण ताण दोण्हं पि । किं कज्जा ? कत्थ व ? के अम्हे ? एयं पि वीसरियं ।।१०२९।। तयणंतरंब-पिउणो पणामपुव्वं पकप्पिए पुट्विं । सा नरवइआसन्ने उवविठ्ठा आसणवरम्मि ।१०३०।। दट्टणं चंदसिरिं एवं ते चिंतिउं समाढत्ता । किं निफ(निप्फ)लेण इमिणा कज्जं किर गुणविवाएण ? ॥१०३१॥ गुणगरुयजणस्स पुरो लज्जिज्जइ निग्गुणेहिं वोत्तुं पि । लज्जायरेण किं पुण वियारअखमेण वाएण ॥१०३२।। सो सयलगुणनिहाणं सफलो तिस्सेव एस संसारो । जो ‘पिय' सदं लहिही इमीए तेलोक्कसाराए ॥१०३३।।
Jain Education International
For Private & Personal Use Only
www.jainelibrary.org
