________________
सिरिभुयणसुंदरीकहा ॥ तं तियसवयणमम्हे सोऊण इहागया तुह समीवं । ता पत्थिवम(व!अ)म्हाणं दरिसेसु सुयं च धूयं च ।।१०१२॥ इय भणिऊण असोओ तुण्हिको जा खणंतरं होइ । ता ज्झत्ति ताण सवणे संपत्तो दिव्वगेयझुणी ।।१०१३।। सोऊण महुरमंथर-थिर सुस्सरविसेसरमणीयं । हुफिंय-तरलिय-कुरुलिय-गुरु-गमयविभागगंभीरं ॥१०१४॥ संमीलियनयणजुया निच्चेट्ठा चित्तभित्तिलिहिय व्व । घणविम्हयं वहंता दोण्हि वि ते भणिउमाढत्ता ।।१०१५।। नूणं गयणंगणगोयराण गंधव्व-किन्नरगणाण । गीयमिणं न य एवं खेयर-मणुएसु संभवइ ।।१०१६।। ईसि(सी)सि विहसिऊणं विचित्तजसनरवई पुणो भणइ । उवरिमभूमीए गया चंदसिरी गीयमब्भसइ ॥१०१७।। जइ एसो अब्भासो नरिंद ! ता पयरिसो क्खु को होही!। इय भणिओ पुण खेयर-कुमरेहिं नरेसरो वयणं ।।१०१८।। दरिसेसु नरिंद ! नियं दुहियं तं अम्ह जेण पेच्छामो । सवणा न केवलं चिय सकयत्थीहोंतु नयणा वि ।।१०१९।। अह नरवइणा तुरियं पडिहारं पेसिऊण चंदसिरी । सद्दाविया सहरिसं समागया परियणसमेया ।।१०२०।। सव्वावयवसमुज्जल-मुत्ताहलभूसणंसुधवलंगी । खीरोव(य)हिनीहरिया सिरि व्व पुरिसोत्तिमासाए ॥१०२१।। मागहविलयाविरइय-उद्दाममहाथुईहिं थुवं(व्वं)ता । सहियायणसंभासण-वसपसरियतरलतारच्छी ।।१०२२।।
Jain Education International
For Private & Personal Use Only
www.jainelibrary.org
