Page Text
________________
२. १-२८]
कमलसेणस्स जम्मो कुमारभावो वसंतवण्णणं च । महावद्धावणयं । अवि यदिज्जतमहादाणं कयचारयमोयणं महाभोगं । सम्माणियमुहिवग्गं सयलजणुग्घोसियाऽऽसीसं ॥ १४ ॥ मासे समइकते कमलायरसुमिणसूइयत्तेण । ठवियं मुयस्स नाम नरवइणा कमलसेणो त्ति ॥१५॥ पइदियहं च पविद्धो एसो सियपक्खरिक्खनाहो छ । उज्जोइयकुलगयणो बंधवचंदुजयाणंदो ॥१६॥ पत्तो कुमारभावं गुणसंपयजणियजणचमुक्कारं । पुनसुकरहिं नवरं विसयसुहपरम्मुहो अहियं ॥ १७ ॥ न हसइ न चेव रूसइ न भणइ फरुसं दयालुओऽदीणो । उवसमविभूसियंगो मुणि ब मोणप्पिओ पायं ॥१८॥ अवियआलिंगिओ य सव्वंगमेस दक्खिन्नपुन्नमित्तेग । सोडीरयापियाए वसीको कम्मणेणं व ॥१९॥ नीओ जयम्मि खाई परोक्यारितवित्तिवित्तेण । धम्माणुरायराएण रंजओ जणमणपैडीणं ॥ २० ॥ पुट्ठो खणं पि न धुवं मच्छरभरिएहिं पावचरिएहिं । अबहीरिएण व दढं मुक्को माणेण माणेण ।। २१ ॥ 10 इय जणियजणयचोज्ज जोवणपत्तस्स कमलसेणस्स । तरुणजगहिययहरणो वसंतसमओ समायाओ ॥ २२॥ सहयारमंजरीतोमरेहिं विरहियउराई भिदंतो । पेल्लंतो दाहिणपवणपाणिणा पडिपहं सिसिरं ॥ २३ ॥ फुल्लियमल्लियकलियापयासदंतं हैसंतसिमविविणो । सुन्वंतसत्तलामोयमत्तभमरोलिरुयगीओ ॥ २४ ॥ परहुयवहुमहुरोरैल्लिसवणसंभरियवल्लहुल्लावे । मुच्छिज्जते पंथे आसासिंतो मलयमरुया ॥२५॥ तस्साऽऽगमणे मम्मणमहाभडो पयडउभडाडोवो । पहओ सहस्सबाणो ब बहुजणं पंचवाणो वि ॥ २६ ॥ 15 तओ-- नट्ठो माणमहाभडो पइ पियं माणसिणीणं खणा, आबद्धंजलिणो कुणंति पणइं पाणप्पियाणं पिया। दोलाकेलिगया पिया-पिययमे गायंति पु-थीगगा, पायं चचरिससलासलसि जायं महोमंडलं ॥ २७ ॥ किंचसेला पुंल्फियसिम्बलीघणवणा फुल्लप्पलासा रसा, रत्तासोयवणारुणा उववणा रत्तुप्पलिल्ला सरा। सोणऽच्छायणमाणवा य नगरोवंता समंता तओ, जायं रायमय व सबभुवणं नूणं वसन्तागमे ॥ २८॥
एवं रमणीयरमणीए महुमासे सिंगाराभिरामरामाणुगएसु नंदणाइवणेसु, कीलन्तएसु नयरजुवाणएसु, मित्तपत्थणाकरणमेत्तपओयणो गओ वसन्तकीलावलोयणकए नंदणवणं कुमारो । निरूवियं पेच्छणयाइ । निसन्नो एगत्थ पुन्नागवीहियाए । कीलाबाउलयाए गया से वयंसया अन्नत्थ । एत्थन्तरे सुओ णेण कस्सइ रुक्खन्तरियस्स 'अहो! अनायगं भुवणं' ति सदो। तओ 'कहं पुण ताए विजयवन्ते अणाहं भुवणं ? ति अमरिसवसुग्गीरियकरवालो 25 गओ दूरं, न य कोइ सचविओ । नियत्तिउकामेण पुणो वि सुयं तं चेक, तहेव पहाविओ, न य कोइ दिट्ठो। सवियक्केण पुणो तं चेव निसुयं, तुरिययरपहाविएण दिट्ठा नाइदूरदेवउले पविसमाणी एगा रमणी । 'एयाए एस सदो, ता किमेयं ? ति पुच्छिउकामो गओ देवउलदुवारं कुमारो । 'न दीसइ' ति पविठ्ठो तयम्भंतरं । ताव य समुप्पइयं देवउलं नहंगणे, पयर्ट वेगेण । 'किमेयं ? ति विम्हि कुमारो । पत्तो मुहुत्तमेत्तेण दूरदेसं । ताहे ठियं तमेगत्थ विसिट्टपासायरूवेण ।
१ सङ्केत:-"चंदुज्जयाणं(जयं) ति कुमुदाना( कुमुद )म्" । “बान्धव एत्र चंदोजयाणि-कुमुदानि तेषामानन्दकृत्" खंरटि । 'चंदुज्जुया भ्रा०विना ॥ २ "वक्षाणाम्" जेटि० ॥ ३ सङ्केत:-"हसंतसिम त्ति हसत्सर्वविपिनः" । हसंतसमवि खंी भ्रा० ॥ - ४ “सत्तलः-पुष्पविशेषः, सत्तला:-लताविशेषाः नवमालिका इत्यर्थः" जेटि० ॥ ५ सङ्केत:-"उरि( ओर )लि ति कूजितशब्दः" । "मधुरध्वनिः' जेटि• ॥ ६ सङ्केतः-"मम्मण त्ति मन्मथः" ॥ ७ समं भावमो मा० ॥
20
Jain Education International
For Private & Personal Use Only
www.jainelibrary.org
| SR No. | 001370 |
| Book Title | Puhaichandchariyam |
| Original Sutra Author | Shantisuri |
| Author | Ramnikvijay Gani |
| Publisher | Prakrit Text Society Ahmedabad |
| Publication Year | 2006 |
| Total Pages | 323 |
| Language | Prakrit, Sanskrit |
| Classification | Book_Devnagari & Literature |
| File Size | 9 MB |