Page Text
________________
पुहवीचंदचरिए पढमे संख-कलावईभवे
[ १. ३२चरिओ, भोई वि न दोजीहत्तवित्तिवित्तासियसत्तो, सोमो वि न मयकलंकिओ। तहा धोरिओ धणुद्धरेसु, अग्गिमो खग्ग-मुग्गरगुणविएसु, पुरिल्लो गीय-नट्टकलावियक्खणेसु, गणणिज्जो गुणाहिएसु, पुरेसरो वीररसिएम त्ति । तस्स य रन्नो रणझणन्तमणिमेहलाकिंकिणीवलयनेउरेणं अंतेउरेणं, सयलनीइनेउन्नमुबहंतएहिं महंतरहि,
अपडंतगहियवक्केणं सामंतचक्केणं', महुरघंटारबोवणीयजणसवणमणाणंदणेहिं संदणेहिं, मलयगिरिविन्भमेहि 5 थंबेरमेहि, पवणजवणुद्धरंगेहिं तुरंगेहिं, नाणाविहपहरणविहत्थहत्थेहिं सुहडसत्थेहिं जणियमणप्पमोयस्स संपाइयपणइयणमणोरहस्स सयलपउरपयइहिययाणंदमुंदरं पहुत्त-पयात्र-महोत्रमाणीकयपुरंदरं रज्जमणुपालयन्तस्स बोलिओ कोइ कालो।
अन्नम्मि दिणे रनो अत्थाणगयस्स विणयसंपन्नो । गयसेद्विसुओ दत्तो पडिहारनिवेइओ पत्तो ॥३२॥
मोत्तूण चलणमूले रायारिहपाहुडं कयपणामो । सप्पणयमासणगओ भणिओ सो नरवरिंदेण ॥३३ ।। 10 'कीस चिराओ दीससि गयनंदण! ? मुठ्ठ देहकुसलं ते ? । भणियं च तेण "कुसलं संपइ देवाणणे दिट्टे ॥३४॥
कारणमेत्थ महापह! कुलधम्मो एस वणियलोयस्स। कीरइ धणज्जणं जं दिसियत्ताए वि गंतणं ॥३५॥
अन्नं चदुपरिचयघरिणि-घरो जो न नियच्छेइ महियलं मणुओ। सो कूबद्द्दरो इव सारा-सारं न याणाइ ॥३६॥ नजति चित्तभासा तह य विचित्ताओ देसनीईओ । अचम्भुयाई बहुसो दीसंति महिं भमंतेहिं ॥३७॥ ता देव ! देवसालं नयरं नयराइयं जयपयासं । अहमत्थत्थी सुत्यं वणिजकज्जे गओ आसि" ॥ ३८ ॥
राइणा भणियं "सच्चवियं तए सुभासियं, 'को अइभारु समत्यहं ? को परु पियगिरहं ?, को णु विएमु वियड्ढहं ? को खलु नयपरहं ? ।
साहसु माणु वहंतहं दुक्करु किं कुणइ ?, ववसायसहायहं पुरिसहं किं किर दूरु जइ?' ॥ ३९ ॥ जओ कत्थ संखउरं ? कत्थ देवसालं ? ति । 20 अह कहसु फुडं सुंदर ! जंता-ऽऽईतेण तत्थ व गएण। किं सच्चवियमउव्वं अच्छरियं विउसमणहरणं?" ॥४०॥
___ दत्तेण भणियं “देव ! बहुचोज्जाउलं देवसालं । जो तत्थ दीसंति अपडिमाई देवउलाई, पुलइज्जइ भूरिचंदलेहालंकियं सयलमम्बरं, निज्झाइजति पइमंदिरमणवरयं पडतीओ रयण-मणिवसुधाराओ; तथा वियरन्ति अकरा सुहत्थिणो, विलसइ गयवाहणो सबलोगो, न लक्खिज्जइ न सुबइ कस्सावि माया, न इच्छिज्जइ नारीणं पि रक्खा, नाणुमनिज्जइ वेसाणं पि केसवुढि ति । 25 अवि य
मासाहार-सुरावा सकलत्ता धीवरा य किर तत्थ । दीसंति मुणिगणा वि हु कहिमो ता केत्तियं देव ! ? ॥४१॥ अन्नं पि किं पि चोजं दिढं तं पुण न साहिउं सका । सयमेव तं पलोयउ नीलुप्पललोयणो देवो" ॥४२॥
१ णं सुरघंटा श्रा० ॥ २ °णुद्धरंगेहि भ्रा० ॥ ३ वमुहोब भ्रा० । 'वसुहोव जे० ॥ ४ विभिन्नाओ जे. ॥ ५ सङ्केत:-"दीसंतीत्यादौ अप्रतिमानि-प्रतिमारहितानि प्रतिच्छन्दरहितानि च । चन्द्रः-शशी सुवर्ण च । अम्बरम्-आकाशं वस्त्रं च । रत्न-मणि-वसूनां धारा जलबिन्दुसन्ततिश्च, रत्न-मणीनां वसुधाराश्च-देवकृता धनवृष्टयः । अशुण्डा शोभनहस्तिनः, राजदेयभागरहिताः सुखार्थिनश्च । गतवाहनः, गर्दै धन-पीडा यस्येति गदयाधनो वा, अन्यत्र तु गजवाहनो गतबाधनो पा । माता माया च । नारीणांश्रीणां, न अरीणाम् । वेश्यानां केशवृद्धिः, द्वेष्याणां क्लेशवृद्धिश्च । मांसमाहारयन्ति सुरां पिबन्ति कलत्रवन्तो मत्स्यबन्धकाथ; अन्यत्र तु मासेन आहारो येषाम् , शोभनस्वाभ्यायधनयः, सकलान् त्रायन्ते, धिया-बुद्धया वराच" ।
Jain Education International
For Private & Personal Use Only
www.jainelibrary.org
| SR No. | 001370 |
| Book Title | Puhaichandchariyam |
| Original Sutra Author | Shantisuri |
| Author | Ramnikvijay Gani |
| Publisher | Prakrit Text Society Ahmedabad |
| Publication Year | 2006 |
| Total Pages | 323 |
| Language | Prakrit, Sanskrit |
| Classification | Book_Devnagari & Literature |
| File Size | 9 MB |