Page Text
________________
२१८ पुहवीचंदचरिए एगारसमे पुह्वीचंद-गुणसायरभवे
[११. १९६कयमंगलोवयारो सुमंगलाए सुमंगलुग्गीयं । पत्तो पमुइयमुहि-सयण-परियणं पवरपासायं ।। १९६ ॥ उपविट्ठो वामेणं रूंदे भद्दासणम्मि जणयस्स । वामेण य से जणणी तयंतिए नववहूवंद्रं ॥ १९७ ॥ वजंतवराउज्जं कलवीणावेणुसुद्धसंगीयं । कयसयलजणक्खेवं पुरओ नटुं अह पयह ॥ १९८ ॥
गुणसागरो वि नासानिमियच्छो रुद्धइंदियपयारो । चिंतइ एगग्गमणो 'समणोऽवस्सं सुए होहं ।। १९९ ॥ 5 एवं तवं चरिस्सं, एवं विणयं गुरूण विरइस्सं । इय संजमे जइस्सं, एवं झाणम्मि ठाइस्सं ॥ २००॥
इय निहुयं झायंतो सुमरंतो पुन्बजम्मियं सुत्तं । संपावियसज्झाणो संपत्तो केवलनाणं ॥ २०१॥ .. ताओ वि नववहूओ तह निचललोयणं तमेगग्गं । पेहंति पहट्ठाओ लज्जामउलितनेत्ताओ ।। २०२॥ चिन्तन्ति 'अहो धन्नो उवसमलच्छीए रंजिओ धणियं । अम्हारिसासु कत्तो रज्जइ सावज्जचरियासु ?॥२०३॥
अम्हे वि सउन्नाओ संपत्तो जाहि मुत्तिमुहरसिओ । सोमसहावो एसो सिद्धिपुरीमग्गसत्थाहो ॥ २०४॥ ___10 एयाणुमग्गलग्गा सम्मं धम्म सुनिम्मलं चरिउं । काहामोऽसेसभक्षुब्भवाण दुक्खाण वोच्छेयं ॥ २०५॥
इय चिन्ताविन्तीओ अणुमोयंतीओ सुद्धभावाओ । पत्ताओ केवलसिरिं खणेण ताओ वि सम्याओ ॥२०६॥ आवरियं च तव्वेलमेव गयणंगणं सुरगणेहिं । पडुपडहपाडपडिरवमुहलियपासायकोडेहिं ॥ २०७॥ परिमलमिलिंतबहलालिजालकलवलंयमुहलदिसियको । वुट्टो घराजिरे सुरहिवारिमीसो कुसुमपयरो ॥२०८।।
घोलंतकन्नकुण्डलसुरमण्डलमण्डियंगणं भवणं । तं दळूण पवुत्तो सविम्हओ पुरजणो एवं ।। २०९॥ 15 'भो भो ! पेच्छह चोजं जमज्ज वारेन्जए वणिवरस्स । पुनोहसमाइट्टा सुरा वि बद्धावया पत्ता' ॥ २१० ॥
ताव य 'अहो ! मुविवाहो, अहो ! समाणगुणपत्तजोगो, अहो ! दुकरकिरिया, जमेरिसे मोहोदयकारिसामग्गीजोगे विनिम्महिओ मोहमल्लो, समज्जिया महामुणीगं पि दुरप्पा केवलसिरी महासत्तेहिं भवंतेहि, ता कयकिच्चाणि विपडिवजह दवलिंग' ति सुरेहिं विघ्नत्ते को पंचमुट्ठिओ लोओ बहु-बरेहि, पडिवनं सुरसमप्पियं दबलिंग। तओ
वंदियाइं देवविंदेहि, कया महामहई केवलमहिमा। तं च दद्रुण रयणसंचय-सुमंगलाण वि समागपतिव्वसंवेगाण 20 वियलिओ कम्मरासी, समुप्पन्नं च तमेव महानाणं । विनायवृत्तंतो समागओ सिरिसेहरराया, वंदिऊण य निविठ्ठो पुरओ।
अहं पि देव ! इहाऽऽगंतुमणो पुनपेसियजाणवाहणो वि तमसंभावणिजमभुयमायभिऊग कोऊहलाउलिओ पत्तो तमुद्देसं, बंदिऊण य तं महामुणि 'कि सच्चमुप्पन्नमेयस्स केवलनाणं ? उयावरो कोइ एत्थ परमत्थो? त्ति सवियको चिहामि । तयणु दैतपन्तिकंतिसमुज्जोइयभवणोयरेण बजरियं मुणिवरेण "सोम सुधण ! पत्थिओ तुम
मोज्झाउरीए, कोउगवसेण य इहागओ सि । तहा25 'दरं पत्तो सत्थो, न य मुलहं कोउगं पुणो एयं । इय चिंतागउलिओ न तरसि गंतुं न वा ठाउं ॥ २११ ।।
ता केत्तियमेतमिणं चित्तं वित्तं तुहं जमक्खित्तं ? । दच्छिसि एत्तो अभहियमन्भुयं तत्थ संपत्तो" ॥ २१२ ।। इय केवलिवयणामयपसमियसंसयविसो तयाइटुं । दट्ठुमणो मुपहट्ठो आयाओ हं इह पुरीए ॥ २१३ ।। उम्मुक्कसुंकववहारहरिसिए देसिए महावणिणो । दठ्ठण सउत्कंठो पत्तो देवन्तियमियाणि ॥२१४ ॥
एयं च निसामितो गुणाणुरागाइरेगओ राया। पावियपरमाणंदो झाइउमेवं समाढत्तो ।। २१५ ॥ 30 'सन्चगुणसायरो सो महाणुभावो महामुणी जेण । तह साहियं सकजं निज्जियमोहाणुबंधेण ॥ २१६ ॥
धनाण विणिज्जियवम्महाण तुंगा वि भोगसामग्गी । न तरइ काउं धम्मतरायमचन्तसन्ता वि ।। २१७ ॥
१ वहूविंदं भ्रा० ॥ २ सहयसंगीयं जे०विना ॥ ३ 'लमिलंत जेविना ॥ ४ "रोल" खंरटि• ॥ ५ केवलिम जे विना ॥ ६यभुवणों जे०विना ॥ ७ गुभावेण भ्रा० ॥
Jain Education International
For Private & Personal Use Only
www.jainelibrary.org
| SR No. | 001370 |
| Book Title | Puhaichandchariyam |
| Original Sutra Author | Shantisuri |
| Author | Ramnikvijay Gani |
| Publisher | Prakrit Text Society Ahmedabad |
| Publication Year | 2006 |
| Total Pages | 323 |
| Language | Prakrit, Sanskrit |
| Classification | Book_Devnagari & Literature |
| File Size | 9 MB |