Page Text
________________
15
१९५] सुधणकहियवित्तंते निविण्णमणगुणसायरविवाहवण्णणं ।
२१७ एवं च विनायतनिच्छयाए चलणेसु निवडिऊण जंपियं जगणीए 'वच्छ ! निच्छियमणो वि करेहि मे हीणसत्ताए हिययसंधीरणं नवपरिणीयमुहदंसणेण, जेण कयत्थीभूया अहं पि तुमए चेव सममणुपव्ययामि' ति । तओ गुणसागरेण 'अलंघणीयत्रयणा एसा एत्तियमेत्तेण वि निव्वुया होउ' ति भाविऊण भणियं 'न को वि एवंकए गुणो, तहा वि अंबाए धिइनिमित्तमेयमभुवगर्य, नवरं न तो परमम्बाए विबंधो काययो' त्ति । तओ 'इयकयनिच्छयाओ एयाओ एत्तियलाभो वि परमकोडि' ति संभाषितेहि सपरिओसं पडिवन्नमेयं जणएहिं । जाणा- 5 वियं वेवाहियसेट्ठीणं जहा 'पव्वइउमणो गुणसायरो, ता इच्छाए कुणह लहुं वीवाहमहं । ते वि 'किमुचियमियाणि ?' ति मंतवाउला विनाया कन्नयाहिं, भणिया य 'न कुलमन्नयाओ दोवारे दिजन्ति. ता कीरउ तरियमेव वारेज्जयं, तग्परिणिसहपवित्तियाओ तमेवाणुपन्वइस्सामो चेव, अविवाहियाओ वि एयमेवाणुगमिस्सामो, नमस्स करेण करं गाहिस्सामो' त्ति । विनायकनाचित्तेहिं पारद्धो तेहि महावीवाहो, पउणीकया सेप्पासंगाइचंगमणि-मोतिओऊलविमलदगललोयालेम्बिरमणितारियानिउरुम्बप्पाइयकोउगाययगयणंगणासंका ठाणे ठाणे पयसविलासलास- 10 तंडवा महामंडवा. मेलिओ मणि-रयणाभरणभारनमिरातच्छनेवच्छतरुणनर-नारिवारविब्भमत लियपायाल-सग्गो सयणवग्गो, निरूविया सुरहिविलेवण-गंध-मल्ल-पूग-नागवेल्लिदलुप्पीलसारा दाणप्पयारा, पारद्धाओ सयलसंभविप्पयारमणोजखज-पेज्ज-चुस्स-लेज्झरसवित्थरवईओ महारसवईओ । किं बहुणा ?
रणिरमहुरतूरोरल्लिगंभीरगज्जू, सुरहिसलिलवासाकदमुप्पंकदुग्गो । __ चलतरुणिविलोलाणप्पलंकारविज्जू, घणसमयसमाणो संपवत्तो महो सो ॥ १८५॥
एवं च महाभोगभोगाभिरामे पूरिजंतपणईयणकामे अलब्भमाणनिग्गम-प्पवेसपहे वट्टमाणे महामहे निव्यत्तियासेसकुलायारो कयपमरवणाइवावारो दिप्पंतो व दिवदिवायरो समागओ सपरियणो गुणसायरो । तओ कीरंतेहिं कोउएहि, गिजंतेहिं मंगलेहि, गुंजतेहिं मइलेहि, नचंतेहि पाउलेहि, पदंतेहिं भट्टेहि, थुणंतेहिं चट्टेहि, दिजतेहिं आसोवाएहिं, कीरंतेहिं सीहनादेहिं, वियरिज्जमाणेहिं महादाणेहिं, विहिज्जमाणेहिं परोप्परसम्माणेहि, संपुनसयलमणोरहो कमेण वत्तो वीवाहमहामहो।
तो नववहूहिं सहिओ सिबियाए नरसहस्सवोज्झाए । गुणसायरो गिहं पइ संचल्लो बंधुपरिकिन्नो ॥ १८६ ॥ चंदं व तारियाहिं, वरच्छराहिं व सुरवई सुहयं । तं रायमग्गगामि दटुं नयरंगणावग्गो ॥ १८७ ॥ उज्नियघरवावारो अवहीरियरोयमाणपियडिभो। हम्मियगवख-सरघर-रच्छास समंतओ मिलिओ॥१८८ ।। उभयकरधरियपसिढिलधम्मिल्लुबरिल्लनवकडिल्लाओ । धन्नाउसासयाई तेर्सि वियरंति एगाओ ॥ १८९ ॥ अन्ना भणंति ‘एसो अभहिओ नूण पंचवाणाओ । निजियरईहिं वरिओ किमन्नहा अट्टहि बहूहिँ ? ॥ १९० ॥ 25 अन्ना भणंति 'सच्चं एया मोत्तण जइ न पचाही। अन्नह मन्ने अन्नो नाऽहम्नो तिहयणे एत्तो'॥ १९१॥ अन्ना भणाइ 'मुद्धे! दूरे एयस्स पव्ययणवत्ता। हरिणस्स व अट्ठहि वाउराहि गहियस्स समकालं' ||१९२॥
अन्ना वयन्ति 'धन्नो जइ एया मोत्तु एस पचाही । संतच्चाईचाई खल्लाडो मुंडिओ चेव ॥ १९३॥ अन्नाए भणियं.. 'पन्चइउमणो एसो वरिओ एयाहि पेच्छ मूढाहिं । जइ सोवना छुरिया ता किं घाइज्जए अप्पा ? ॥ १९४ ॥ 30 इय विविहुल्लावपरायणाहिं पुरसुंदरीहिं दीसंतो । पत्तो वंदणमालारम्मं नियमंदिरदारं ॥ १९५ ।।
१ सङ्केतः-"सस्या(प्पा)संगाइचंग नि दीर्घानि(ति)रम्या" ॥२ लम्बिमणि जे० ॥ ३ गागय जे०विना ॥ ४'विलासतंडवा जे विना ॥ ५ वग्गुराहि जे०विना ॥ ६ चाई खेल्लउडो जे० ॥ पु० २८
20
Jain Education International
For Private & Personal Use Only
www.jainelibrary.org
| SR No. | 001370 |
| Book Title | Puhaichandchariyam |
| Original Sutra Author | Shantisuri |
| Author | Ramnikvijay Gani |
| Publisher | Prakrit Text Society Ahmedabad |
| Publication Year | 2006 |
| Total Pages | 323 |
| Language | Prakrit, Sanskrit |
| Classification | Book_Devnagari & Literature |
| File Size | 9 MB |