Page Text
________________
पुहवीचंदचरिए अट्ठमे गिरिसुंदर-रयणसारभवे
[८. १५१भिच्चा, दिग्नं मणोरहाइरित्तं जीवणं, अणुनाओ जहिच्छाचारो, जाया विसिट्टमुहभाइणो त्ति । एवं च अभग्गमाणमाणंदमुहमणुभविऊण समाहिणा पडिवनकालधम्मा उववन्ना देवकुराए मिहुणगा। ताओ वि कन्नयाओ सुहाणुमईओ जायाओ तेसिं मिहुणिगाओ। तओ दसविहकप्पपायवोवणीयसयलभोगंगलालियंगा अप्पपेम-दोसा ईसा
विसाय-मच्छर-रोग-सोग-जरा-भयविरहिया अहमिंदामराणुगारिमुहं तिपलिओवमाणमाणमाउमइवाहिऊण गया 5 सोहम्मं कप्पं । तत्थ वि किंचूणतिपलिओवममच्छिऊण उववन्ना इह पुंडउरे महाबलराइणो दइयाए विलासवईए
कुच्छिसि तुब्भे दो वि पुत्ता। तासिं पुन्वभारियाणमेगा पउमसंडे महसेगराइणो धूया सुलक्खणा नाम जाया, दुइया उण विजयउरे पउमरहस्स लक्खणा नाम । सोऊण य मागहाओ गुणकित्तणं जाया सिरिबले साणुराया सुलक्खणा, एवं सयबले लक्खणा वि।
एत्यन्तरे 'परोवयारवसणि' त्ति अब्भत्थिओ सिरिंबलो सिरिगुत्तसिद्धपुत्तेण विज्जासाहणसाहेजे । वीररसवस10 एण तेणावि पडिबन्ने पारद्धे कसिणचउदसिनिसीहे मसाणमझे सिद्धिविहाणे दिट्ठो सिरिबलेण विडिंचियवियडदा
ढाकरालवयणो विज्जुच्छडाडोवारुणतरलतारनयणो निसियकत्तिया-कवाल-करवालनरकरंकविहत्थहत्थो मुराभण्डायतदुप्पूरोयरभत्थो कज्जलुक्केर-तमालकालो नरसिरविसरविरइओरुसुंडमालो केसपासायड्ढियं सिरिगुत्तमवहरंतो महापिसाओ । तओ उग्गीरिउग्गखग्गो लग्गो तयणुमग्गेण एसो 'एस पावो पाविओ' त्ति कयासो पहावन्तो पत्तो
महाडविं । ताव य जायं पहायं, तिरोहिओ पिसाओ, 'न दीसइ सिरिगुत्तो' त्ति विसनो सिरिबलो, तहा वि अविय15 लियपुरिसयारो पवत्तो तमन्नेसिउं । सुणइ य एगत्थ वणसण्डे करुणं रुझ्यसदं, 'इत्थिया वराई काइ' त्ति समुप्पन्नकारुन्नो गओ तयब्भन्नं, वणंतरिओ निरूविउं पवत्तो । ताव य रुक्खसाहानिबद्धसिरोहराए भणियं तीए'निसुणंतु लोगपाला !, सुणंतु वणदेवयाओ ! सबाओ ! नीणेमि हिययसलं संपइ तुम्हाण पञ्चक्खं ॥१५॥ दिनो गुरूहि मणसा वि मनिओ सिरिबलो पई मज्झ । न य ताव करे लग्गो निन्भग्गाए इह भवे सो॥१५२॥
जम्मन्तरे वि मम पाणवल्लहो सो पई विहेयव्यो । वारेयव्यो विग्यो पुणो वि तुब्भेहि सक्खीहिं' ॥ १५३ ॥ 20 एवं भणिऊण मुक्को तीए अप्पा । तो नियनामसंकिएण झत्ति धारिया सिरिबलेण, छिनो पासओ, पउ
णियाओ कंठनाडीओ, संवाहियं हियय, दिनो चेलंचलानिलो । तओ तीए उम्मिल्लियं लोयणारविंदं, दट्टण य सिरिबलं ससज्झसाए संठवियमुत्तरिज, भणियं चावत्तं 'तिलोयसाहारणमिणं मरणं पि मे मंदभग्गाए मुदुल्लहं संवुत्त'। ताहे समासासिऊण संलत्ता सिरिबलेण 'मुद्धे ! का तुमं ? किं वा ते निव्वेयकारणं? जमेवमायघायं ववसिया सि"।
तीए वि तव्ययणामयसेयसमुल्लसियहिययाए चिंतियं 'जहा एयवयणेहिं पल्हाइ मम माणसं, वलइ पुणो पुणो 25 एयाभिमुहं दिट्ठी, रोमंचियमेयकरफंसेण सरीरं, तहा होयव्यमेएण मम वल्लहेण, किंतु न तस्सेहागमणसंभवो,
अहवा विचित्ताणि विहिणो विलसियाणि, तबसयाण किमसंभावणिज नाम ? ता कहेमि ताव सम्भावं जेण परमत्थो नज्जई' । त्ति संपहारिऊण भणियं सगग्गयगिरं "अलं मम मंदपुनाए नियवुत्तंतकहणेण, तहा वि 'अलंघणीयवयणो सि' ति निसामेहि
नयरम्मि पउमसंडे महसेणनरिंदनंदणी अहयं । पउमादेवीपभवा नामेण सुलक्खणा कन्ना ॥ १५४ ॥ 30 दिन्ना य निययपिउणा पुंडउराहिवसुयस्स गुणनिहिणो । सिरिबलकुमरस्स तिलौयविवरवियरंतकित्तिस्स ॥१५५॥
तकहसवणक्खणिया परिवालंती विवाहमहसमयं । उज्जाणाओ हरिय म्हि केणई गयणगमणेण ॥ १५६ ॥ विलवंती य रुयन्ती अत्ताणं मग्निरी सुअत्ताणं । कूरेण कयंतेण व तेण विमुक्क म्हि इह रने ॥ १५७ ॥ १ 'वमाणमाउम खं१ ॥ २ °ण्डायन्तदु खे२ ॥
Jain Education International
For Private & Personal Use Only
www.jainelibrary.org
| SR No. | 001370 |
| Book Title | Puhaichandchariyam |
| Original Sutra Author | Shantisuri |
| Author | Ramnikvijay Gani |
| Publisher | Prakrit Text Society Ahmedabad |
| Publication Year | 2006 |
| Total Pages | 323 |
| Language | Prakrit, Sanskrit |
| Classification | Book_Devnagari & Literature |
| File Size | 9 MB |