Page Text
________________
१३२ पुहवीचंदचरिए छटे सूरसेण-मुत्तावलीभवे
[६.१२६अह कुलकुमुयाणंदं चंदं पुन्निमनिसाऽऽइसंझ च । मुत्तावली पयाया सुहालयं बालयं विमलं ॥ १२६ ॥ कारिय वद्धावणयं काले नाम पइटियं तस्स । जणएण चंदसेगो त्ति सोहणं मोहणं मणसो ॥ १२७ ॥ नीसेसकलाकलिओ पूरियरलिओ सुभोगमुहललिओ। संगहियहियकलत्तो जोव्वणमेसो वि संपत्तो ॥ १२८॥
एत्यंतरे कमलकोमलकरपरिग्गहियसिलीमुंहो सक्कसरासणाडंबरीमयरद्धयनिउत्तो इव जणहिययाई सल्लिलं 5 पवत्तो सरयजोहो । जत्थ परिपुगोविस सिंगुल्लिहणकिलंता इच जाया संवड्ढियसांसा मेइणी, विरहिणीसोलिगोवियाविमुकदीहुन्हनीसासेहि व सुक्का सयलमग्गा, वासानिसाविगमविउद्धो व्व परिभमिउमारदो सत्तच्छयामोओ, बद्धकंठमालोयंति मग्गं पिव चिरविउत्तोविंतरायहंसाणं विसट्टकंदोडलोयणाओ सरसीओ, सहासकासछुहापंडुरियदुत्तडीवियडभवणपविट्ठाओ पसाहंति व अप्पाणं चक्कवायकणयाहरणेहिं महानईओ, विजियमेहमहाहवो न जाओ विउणप्पयावो दिवसाडिवो, दिवा दिवायरकरनियरविहुरियबहलधूलिधूसरपामरकयाणुकंपो च्च पमुक्को विउलजुन्हा10 जलं मियंको । किंच
निष्फनधनसमुइनमहंततोसा, संपुग्नचंदकिरणुज्जलचारुदोसा ।
पायं जणा पमुइया तिदिवे ब्व देवा, कीलंति तम्मि विविणेसु घरंगणे वा ॥ १२९ ॥
एवंविहे सरयागमे कयाइ विश्नत्तो बंधुजीवमंतिणा नरिंदो 'देव ! बहवो तुरुक्क-वल्हीय-सिंधुपाराइदेसागयहेडावइणो गहियतुरंगा देवपाए ओलग्गति, ता परिच्छिऊण घेप्पंतु केइ तुरंगा, दिजउ तेसि सेसविक्कयाणुन ति। 15 तओ राया पडिवनमंतिवयणो पउणावियतुरयरयणो कारियहेडावणियाहवणो संजातो तुरयवाहणपवणो । तओ वि
गंतूण वाहियालिं नाणादेमुब्भवे वरतुरंगे । परिवाहिऊण मुइरं दिणयरकरपीडिओ संतो ॥१३०॥ कीलावणउजाणे सत्तच्छयछाइयाए बहलाए । उबविट्ठो वीसमिउं जाओ य खणे समासत्थो ॥ १३१ ॥ पेच्छइ पलंघबाहुं आयावंतं मुणिं महाभागं । धम्मं व मुत्तिमंतं सम्मं झाणम्मि चट्टतं ॥ १३२॥
तस्स य लायन्नसिरि पेच्छंतो दुकरं च तवकिरियं । संजायविम्हओ मेइणीसरो वंदणं कुणइ ॥ १३३ ॥ 20 पइजम्मं चिय पीई अब्भत्था मुणिजणम्मि तेणेसो । परमप्पमोयफुनो मुणिमेवं थुणिउमाढत्तो ॥ १३४ ।।
'धन्नो सि महायस ! जेण जोधणे दुजओ जिओ मयणो । पत्ता असमा समसंपया वि अम्हारिसदुर्रप्पा ॥ धन्नो सि पुणो वि पुणो जेण तए तणसमा इमे गणिया। चेयनहरा उग्गा भोगभुयंगा महाभोगा' ॥१३६॥ इय बहुविहं थुणित्ता सपरियरो पत्थिवो पुहइपीढे । आसीणो साणंदो मुणिवसभं पज्जुवासेउं ॥ १३७ ॥
मोत्तण झाणजोगं भणियं अह ईसरेण वरमुणिणा । 'अन्नो वि सयनो न हि नरिंद! भोगेसु अभिरमइ ।। १३८ । 25 जेण असारा अथिरा असुइसरूवा अतित्तिसुहसंगा। दोग्गइनिबंधणं चिय भणिया एए मुणिजणेण ।। १३९ ॥ अवि यमुंज्जता महुरा विवागविरसा किंपागतुल्ला इमे, कच्छूकंडुयणं व दुक्खजणया भाविंति बुद्धिं मुहे। मज्झन्हे मयतन्हिय व्य निययं मिच्छामिसंधिप्पया, भुत्ता दिति कुजोणिजम्मगहणं भोया महावेरिणो ॥१४०॥
नरेसु न चिरं थिरा खयर-किन्नराईसु वा, मुरेसु वि असासया गुरुविओयदुक्खावहा । 30 पयासियविडंबणा तिरियजोणिजंतूण जे, हरंति हिययं कहं बुहजणाण भोगा इमे ? ॥ १४१॥
१ संकेत:-"सिलीमुहो त्ति शिलीमुखाः-बाणा भ्रमराश्च ॥ २ संकेत:-"सास त्ति श्वासः सस्यानि च-धान्यानि ॥ ३ "शालिक्षेत्ररक्षिका' खंटि० ॥ ४ दिवाहिवो जे विना ।। ५ संपन्न खं२ भ्रा. ॥ ६ 'पउणो जे विना ॥ ७°वं थोउमा जे विना ॥ ८ दुरापा दुष्प्रापेत्यर्थः ॥ ९ जंता ख२ ॥
Jain Education International
For Private & Personal Use Only
www.jainelibrary.org
| SR No. | 001370 |
| Book Title | Puhaichandchariyam |
| Original Sutra Author | Shantisuri |
| Author | Ramnikvijay Gani |
| Publisher | Prakrit Text Society Ahmedabad |
| Publication Year | 2006 |
| Total Pages | 323 |
| Language | Prakrit, Sanskrit |
| Classification | Book_Devnagari & Literature |
| File Size | 9 MB |