Page Text
________________
पुहवीचंदचरिए पचमे पुण्णचंद-पुप्फसुंदरीभवे
। ५. १२६सिद्धदत्तो चि दिवसंते पिउणा निरूवियाऽऽय-व्वएण पुच्छिओ रूवयवयद्वाणं । दंसिया सुरण पोत्थिया । तो 'अत्थाणवयगो सि' त्ति कुविएण पोत्थियासहिओ चेव निच्छुढो, भणिओ य 'न रूवयरहिएण गिहमागंतव्वं' ति । तओ अत्थमिए दिवायरे 'न एत्तियसहस्सेहिं विणा एमि' त्ति कयनिच्छओ निग्गओ सिद्धदत्तो । 'पिहियाई
नयरदाराई ति निसिगमणत्थं पसुत्तो विवित्ते जुनदेउले । 'पुन्चोवत्तनासो नत्थि' ति भावयतो निन्विसाइत्तेण 5 पाविओ सुहनिदं ।
___ इओ य तीए चेव पुरीए राय-मंति-सेटि-पुरोहियकन्नयाणमन्नोन्नाणुरायनिब्भराणं विप्पओगभीरुयाणं संलावो संवुत्तो 'किल बालभावप्पभावेण सुहमित्तियकालमणुभूयं संपओगमुहं, संपयं पुण पडिवनाओ वेरिणा जोवणारंभेण, न याणिमो कहिं पि कहिं पि विहिपवणेण पणोल्लियव्याओ ?' ति । ताहे रायसुयाए वुत्ताओ ताओ 'ह
ला ! जइ एवं ता जाच जणएहिं न कस्सइ वियरिजामो ताव करेमो सयमेव के पि एग वरं जेण न विउज्जामो' 10 ति । पडिवनमिणं सन्नाहिं । तओ रायसुयाए देसन्तरागो रायसेवओ 'महाकुलप्पसओ' त्ति कलिय वाहरिऊण पच्छन्नं विनत्तो पत्थुयत्थे । जाहे न पडिबज्जइ ताहे भणिओ 'जइ नेवं पडिवज्जसि तओ तुहोवरिमत्ताणं घाएमि'। तो 'न अन्नहा मोक्खो' त्ति पडिवनं तेण । 'अमुगरयणीए अमुगत्य जुन्नदेवउले चउरो वि परिणेयवाओ' त्ति ठाविए सिद्धंते निग्गओरायपुत्तो। तयणु 'अहो पिवीलिय ब एगग्गहा कन्नगहियवग्धि व्व अगह-मोक्खसुहा, पिसाइ
न्च छलणसीला रमणी होइ, पेच्छ चउरो वि कहमहं छलिओ एयाए ?' ति चिंतासायरगओ ठिओ निरूवियदिणं 15 जाव । तयंते पुण 'कहमहं सामिदोहेण छणमयलंछणुज्जलं नियकुलं कलंकेमि ? त्ति कयसंकप्पो पोसे चेव निग्गी
नयरीओ सो महायसो । सा वि रायदुहियाऽभिन्नरहस्सचेडीसहाया गहियविवाहोवगरणा पढमपहरद्धे समागया तं देवउलं, दिवो सुहपसुत्तो सिद्धदत्तो । संभंताए 'किं निर्चितो मुवसि ?' ति भणंतीए विबोहिऊण गाहिओ करं। निवित्तिओ गंधववीवाहो । कओ कंकणबंधो, अगहियसंकेयत्तेण अणुल्लवंतो आसंघियपेमगुणं भणिओ तीए 'पूरिया
मम मणोरहा, अन्नासि पि तिन्हमेवं चेव पूरियव्वा, कत्थ पुण वाहणाई जेहिं पलाइस्सामो?' । सो वि 'सव्वं सुंदरं 20 होही, संपयं ताव निदाइओ म्हि' त्ति वोत्तण ठिओ मुत्तवेड्डएण । तीए वि 'किं मन्ने न होइ सो एसो ? त्ति
संकियाए पलोइओ पुवाणीयसरावसंपुडपईवेण, मुहलालियं सुरूवं च तं निउणं निहालिंतीए दिट्ठा पोत्थिया, वाइओ सिलोगपाओ। तओ 'अहो! सच्चमेयं' ति सुठु तुट्ठा सेसियाण पञ्चायणत्यं करयलघोलियकज्जलेण 'किं कारणं दैवमलंघनीयं' ति दुइयपायं लिहिऊण गया एसा नियमंदिरं । एवं दुइयपहरे मंतिदारिया वि 'तस्मान शोको न च विस्मयो मे इय तइयपायं लिहिऊण पडिगया। तइयजामे सेद्वितणया 'यदस्मदीयं न हि तत् परेषाम्' इति 25 सिलोग पूरिऊण गया सगेहं । एवं चउत्थपहरे उबरोहियसुया वि, नवरं लिहिओ तीए इमो सिलोगोव्यवसायं विदधात्यन्यः फलमन्येन भुज्यते । पर्याप्तं व्यवसायेन प्रमाणं विधिरेव नः ॥ १२६ ॥
ताव य 'अम्हमेसावराहो भविस्सई' त्ति नाऊण निवेइओ चेडीहिं तज्जणणीण एस वइयरो। ताहि वि नियनियपईणं । तओ 'सो पहिओ पभाए न लब्भिहि' त्ति संभंतेण राइणा तयाणयणकज्जे पेसिओ पहाणपरियणो। पडिबोहिओ य तेण गहिरतूरनिग्योसेण सेट्टिनंदणो । आरोविओ रायवारणं । महया विच्छड्डेण पाविओ रायभवणं . 30 'पुरंदरंगरुहो' त्ति परियणाओ वियाणिऊण हरिसिओ नराहिवो । पुरंदरो वि सन्चरयणि नयरतिय-चउक्क-चच्चरेसु तमन्नेसिऊण लद्धोदंतो तक्खणमेव पत्तो रायसमीवं, विन्नायतत्ता सेसकनाजणया वि । विम्हिया सव्वे वि कन्नानेहविलसिएण जामाउयपुन्नपगरिसेण य । ताहे रन्ना कारिओ महाविवाहपमोओ, दिनाई पंचगामसयाई
१ जुन्नदेउले खं१ खं२ ॥ २ देउलं जे० ॥
Jain Education International
For Private & Personal Use Only
www.jainelibrary.org
| SR No. | 001370 |
| Book Title | Puhaichandchariyam |
| Original Sutra Author | Shantisuri |
| Author | Ramnikvijay Gani |
| Publisher | Prakrit Text Society Ahmedabad |
| Publication Year | 2006 |
| Total Pages | 323 |
| Language | Prakrit, Sanskrit |
| Classification | Book_Devnagari & Literature |
| File Size | 9 MB |