Page Text
________________
१०२
पुहवीचंदचरिए चउत्थे देवरह-रयणा- वलीभवे देवरह-रयणा- वलीणं देवलोगगमणं ।
[४.२२९-२४६
जया उत्पन्नजोगेण नाणिणं मग्गदेसयं । पाउणंति तया धन्ना मग्गे लग्गति केइ वि ॥ २२९ ॥ एयं नाऊण भो भव्या ! पुन्न-पाववियंभियं । पावहेउपरिचाया पुग्ने कुगह उज्जमं ।। २३० ॥
एयमायनिय सकोउगेण भणियं राइणा 'भयवं ! केरिसं पुण पुरा पुनमुवज्जियं मए जस्स फलं संपर्यमणुहवामि ? । भगवया भणियं 'पंचनमोक्कारसरणनिच्छयमाहप्पमिणं'। ___ अवि य
भद्दयभावो भन्यो एत्तो पावेइ सुद्धसम्मत्तं । सम्मदिट्ठी विरइं, विरओ सिवसंपयं खिप्पं ॥ २३१ ॥ जं पुण सुह-सोहग्गं रूवं लच्छी पहुत्त-देवत्तं । एयं पलालकप्पं पसंगपप्पं अणप्पं पि ॥ २३२ ॥ इय सव्वगुणहाणगकारणमेसो महापभावो य । इह-परभवसुहजणओ पहाणमंतो नमोकारो ॥ २३३ ॥
एमाइगुणविसिटे सिट्टे भगवया जिणनमोकारमाहप्पे निसामियनियपुन्वभवो भवविरत्तचित्तो सुयस्स रजं 10 दाऊण काऊण य विसुद्धं संजमं समुप्पन्नदिमलकेवलो पाविओ सिवैपयं रयणसिहो महारिसि त्ति ॥
[रयणसिहकहाणयं समत्तं ४ ]
- रयणसिहचरियमेयं आयनिय विमलकित्तिपुहईसो । भववासपासविमुहो सिवसुहसंगे कउच्छाहो ॥ २३४ ॥
देवरहम्मि रहम्मि व अरिकलिए निद्धवंसकयसोहं । रज्जझयं आरोविय निक्खंतो धम्मवसुमूले ॥ २३५ ॥ . देवरहो वि नरिंदो सहिओ रयणावलीए देवीए । सम्मा-ऽणुव्वयधारी तिवग्गसारं कुणइ रज ।। २३६॥ जिणमयरत्तो मुणिजणभत्तो, चेझ्यपूयामहिमपवत्तो। जिन्नुद्धारे रम्मविहारे, कारइ तत्तो दढसम्मत्तो ॥२३७॥ रहजत्ताओ पन्जत्ताओ, वारियमिच्छो कुणइ महिच्छो । निणपडणीए कुणइ विणीए, सयले रज्जे सिवसुहकज्जे ॥ तहानाएण जणे, चाएण दुत्थिए, पंडिए वियारेण । सरलत्तेण य सुयणे हयहियए सो सया कुणइ ।। २३९ ॥ कालेण समुप्पश्नो पन्नोहामियगुरू गुरुपयावो । रयगावलीए पुत्तो जणमणहरसयलगुणजुत्तो ॥ २४० ।। जाए तेयम्भहिए रजभरसहे वि तम्मि वरकुमरे । भावियजिणवयणस्स वि न संजमे अस्थि से विरियं ॥२४१॥ जाहे न चयइ छेत्तुं पुत्त-कलत्ताइनेहसंदाणं । ताहे करेइ पूर्य विसेसओ सयलसंघस्स ।। २४२ ॥ पुट्विं पिव रजधुराधरणे विणिओइऊण सुयधवलं । उज्जुत्तो संवुत्तो सामाइय-पोसहाईसु ।। २४३ ॥ कालेण तिब्बतवसोसियसव्वदेहो, मंदायमाणधण-माणिणि-मित्तनेहो । सम्भावणागयमणो मरणं अकासी, जाओ सुरो तयणु आणयकप्पवासी ॥ २४४ ॥ रयणावली वि तवनियमभाविया साविया चिरं होउं । भत्तपरिभाविहिणा पत्ता तत्थेव देवत्तं ॥ २४५ ॥ एगम्मि सुरविमाणे वुत्था ते नेहनिभरा दो वि । एगणवीस सागरनामाई किंचि अहियाइं ॥ २४६ ॥ इय पुहइचंदचरिए देवरहसमणोवासगचरियं चउत्थं भवगहणं समत्तं ॥
[ग्रन्थानम्-८४५]
25
१ संपइमणु भ्रा० ॥ २ इत्तो भ्रा० ॥ ३ सिवपुरं रजे.॥४. संकेत:-"अरिकलिए ति [रथपक्षे] अरिभ्यांचक्राभ्यां कलिते, [देवरथपक्षे ] अरीणां कलिदे, वंशः-अन्वयो वेणुश्च ॥ ॥"॥
Jain Education International
For Private & Personal Use Only
www.jainelibrary.org
| SR No. | 001370 |
| Book Title | Puhaichandchariyam |
| Original Sutra Author | Shantisuri |
| Author | Ramnikvijay Gani |
| Publisher | Prakrit Text Society Ahmedabad |
| Publication Year | 2006 |
| Total Pages | 323 |
| Language | Prakrit, Sanskrit |
| Classification | Book_Devnagari & Literature |
| File Size | 9 MB |