Page Text
________________
10
२२८]
धम्मवसुसूरिदेसणाए रयणसिहकहाणयं । बंधवं मम रज्जे निवेसिज्जासि' । सो वि भणिओ रयणसिह-ससिवेगेहिं 'महासत्त! भुंनाहि ताव कुलक्कमागयं रज्जं, पच्छा परिणयवओ तवोवज्जणे जए जासि त्ति, जो दुजओ इंदियग्गामो, दुरहियासा परिसहोवसग्गा, पवणुद्धयधयग्गचंचला मणोवित्ती, महाणत्थनिबंधणंच वयभंगो'। त्ति भन्नमाणो वि महावेरग्गजोगतो गओ मुगुरुसगास सुवेगो, पन्चइओ य । इयरे वि रजसुत्थं काऊण गया चक्कउरं । कमेण य जाओ विज्जाहरसेहिसामी रयणसिंहो । सूरवेगो वि अवगयमाउलवृत्तंतो समग्गउग्गसंवेगो धरिज्जमाणो विभाउणा पवन्नो मोक्खमग्गं ।
अह दिट्ठउत्तरुत्तरसुहसंताणो सपुन्नमप्पाणं । मन्नतो रयणसिहो सुत्थीकयसयलमुहि-सयणो ।। २०७ ।। जिण-गणहर-केवलिणो वंदतो सयलमणुयलोगम्मि । जइ-चेइयायमहिमो पालइ सम्मत्तवररयणं ॥२०८॥ एवमणेगे लक्खा वासाणमइच्छिया अह कयाइ । पिच्छइ सागेयपुरे ओसरियं जिणवरं सुजसं ।। २०९॥ तत्तो भत्तिवसुग्गयरोमंचंचियतणू विणयपणओ । भालकयपाणिपंकयसंपुडमह थोउमाढत्तो ॥ २१० ॥ जय जय जयजणवच्छल! छलजलहरपत्रण ! वणयसमनयण!। नयण-मणपमयवद्धण ! धण-कण-कणयक्खणयसमण ! ॥ २११ ।। समणमणभसलजलसय ! सयत्थसत्थत्थपयडणसमत्थ !। मत्थयनमंतनरवरवरवरय ! वरंग!गयसंग !॥२१२॥ संगरगररससयगय ! गयमच्छर ! मयणमयणदहजलण!। जलण-जल-सप्पभयहर! हरहसधवलयरजसपसर! २१३ सरणपवनसरनय ! नयसय-गमरम्मसम्ममयसमय!। मयमयगलनहपहरण ! रणरणय-भय-ब्भमसवत्त ! ॥२१४॥ वत्तसयवत्तगहवर ! वरकलस-लसंतसंख-चक्कंक !। कंकफलसरलनयणय ! नयपमयअसत्त! अपमत्त ! ॥ २१५॥ 15 मत्तगयगमण ! गयमण ! मणगयसंसयसहस्सतमतवण !। तवणप्पहपहपहयर ! पहयर ! परमपयनयरस्स ॥२१६॥ इय पढमसरनिबद्धं घणक्खरं गहियमुत्तयपयड्हें । काऊण संथवं भत्तिनिब्भरो नरवरो पणओ ॥ २१७ ॥ नमिऊण य मुणिवग्गं सेसं पि महीयले मुहनिसन्नो । सिरकयकरयलमउलो जिणवयणं सोउमारदो ॥२१८॥ अवि यएत्थ णं भवकंतारे कम्मायत्ता सरीरिणो । निन्नुन्नएस ठाणेसु संचरंति निरंतरं ।। २१९ ।।
20 एगया नरयं जंति, देवलोगमहेगया । माणुसत्तं समायंति, तेरिच्छं पि पुणो पुणो । २२० ।। पुढवी-आउ-तेजसु वाउकाय-वणेसु य । बेइंदियाइभावेण संभवंति मुहं मुहं ॥ २२१ ॥ रायाणो होति रंका य, बंभणा य जणंगमा । दरिदा य धणड्ढा य गुणड्ढा निग्गुणा वि य ॥ २२२ ॥ सुरूवा रूवहीणा य, महामुक्खा वियकवणा । काणा कुंटंध-पंगू य, कल्ला बहिर-मूयगा ॥ २२३ ॥ सुभगा दुब्भगा, सूरा कायरा, रोगि-नीरुया। सुस्सरा दुस्सरा, पुज्जा निदिया, बलिणोऽबला ॥ २२४॥ 25 भोगिणो भोगहीणा य, दुक्खिया सुहिया सया । अकलंकसमायारा हीणायारपरायणा ।। २२५ ॥ एवं जीवा भवारन्ने अणाईए निरंतए । पुम्न-पावस्सहावेण भामिज्जति सकम्मुणा ।। २२६ ॥ मिच्छांबोहदिसामोहा महा मोत्तण वत्तिणि । कजोणिकंटिगम्मेस विलग्गति अतसो ॥ २२७॥ चित्तपासंडिधुत्तेहि पेल्लिया वि पडिप्पहं । चेयंति नेव अप्पाणं पाणिणो पाबमोहिया ॥ २२८॥
१संकेत:-"जय जयेत्यादिस्तोत्रे वणयं [गा. २११] ति वनजं कमलम् , पमय [गा. २११] ति प्रमदः-हर्षः । जलसयं [गा. २१२] ति कुशेशयम् । सयगय ! [गा. २१३ त्ति सदगद!-सदौषध ! । सम्ममय [गा. २१४ ] ति सम्यग्मतः, सवत्त! [गा. २१४] त्ति सपत्न!-शत्रो! । बत्त० [गा. २१५] त्ति जनानां वक्त्राण्येव शतपत्राणि तत्र प्रहवर !, नयपमयअसत्त! [गा. २१५] ति कामार्थनायां नतास्वपि प्रमदासु असक्क!-असम्बद्ध ! । तवणप्पहपहपहयर! [गा. २१६] त्ति तपनप्रभा-रविसमः प्रभापहकरः-प्रभासमूहो यस्य" ॥ २ मिच्छामोहदिसा जे. ॥
20
.
Jain Education International
For Private & Personal Use Only
www.jainelibrary.org
| SR No. | 001370 |
| Book Title | Puhaichandchariyam |
| Original Sutra Author | Shantisuri |
| Author | Ramnikvijay Gani |
| Publisher | Prakrit Text Society Ahmedabad |
| Publication Year | 2006 |
| Total Pages | 323 |
| Language | Prakrit, Sanskrit |
| Classification | Book_Devnagari & Literature |
| File Size | 9 MB |