Page Text
________________
पुहवीचंदचरिए तइए देवसीह-कणयसुंदरीभवे
[३. २७५अज्जिणह तमेगग्गा सुकयं एगंतनिच्छिउच्छाहा । जेण भवसायरं लंघिऊण पावेह सुहठाणं ॥ २७५ ॥ एवं संसारसायरसरूवसवणाओ संवेगमग्गलग्गमाणसेहिं भणियं राया-ऽमच्चेहिं 'भय ! सच्चमचंतरउद्दो भवसमुद्दो न धम्मजाणवत्तमंतरेण तरिउं तीरइ, किंतु पुत्त-कलत्ताइनेहतंतुनिव्वत्तियमहंतमोहवंधणबद्धा जचंधा इव पच्चक्खं पिन लक्खंति एयं मुक्खपाणिणो, संपयं पुण दिडं जहट्ठियमम्हेहिं भगवओ भुवणपईवस्स सन्निहाणेणं, 5 तहा वि इच्छामो ताव नाउमप्पणो परोप्परं सिणेहनिबंधणं भगवओ पसाएणं' ति। ताहे भगवया निवेइओ तेर्सि पुव्वंभववुत्तो । अवि यविसए कुसलब्भासा सामन्नं पुनमज्जियं पुव्वं । सामन्नं चिय भुत्तं पइजम्मं तप्फलं तुब्भे ॥ २७६ ।। पइभवसंबंधाओ परमं कोडिं इमो गओ नेहो । नवरं सुहाणुबंधो, न कारणं भवपवंचस्स ।। २७७ ॥
पूयाबीयप्पभवो पुन्नतरू फाइमुवगओ इण्हि । फलिही अवस्स तुब्भं सिद्धिपुरीरजलाभेण ॥ २७८ ॥ 10 इय जिणवयणं सोउं सम्मं संभरियपुबसच्चरिया । जाया चरणधणज्जणनिच्छियमइणो निवा-ऽमच्चा ॥ २७९ ॥
रज्जं जज्जरपंजरं व विहगा हाउं सहेलं लहुं, निद्धं बंधवबंधणं पि धणियं तोडित्तु तंतुं पिव । सुद्धतं ढयरीगणं व गणिउं दीणं रुयंत घणं, सामन्नं पुरपुन्नपेल्लियमणा सम्मं पवन्ना तओ ॥ २८० ॥ दहित्तु तवतेयसा तयणु सव्वक्रम्भिधणं, दलितु निविडुब्भडं भवपरंपराबंधणं । सिवं निरुयमक्खयं परमनिबुइं पाविया, सरोयविवरचुया निसिनिरुद्धभिंगा इव ॥ २८१॥
[सुयमिहुणकहाणयं समत्तं ३.]
20
एवमणाभोगकओ दव्यथो मदव-उज्जवगुणाओ। विसयस्स पहाणता इमाण सुहकारणं जाओ ॥ २८२॥ सन्नाणसंपओगा विहिबहुमाणेण कीरमाणो उ । कल्लाणकारणं जं जायइ तुरियं ति किं चोजं ? ॥ २८३ ॥ पूयाविहिविरहाओ अपरिग्नाणाओ जिणगयगुणाणं । सुहपरिणामकयत्ता एसोऽणाभोगदव्यथओ ।। २८४ ॥ गुणठाणगाणुगुना एसो एवं पि गुणकरो चेव । सुह-सुहयरभावविसुद्धिहेउओ वोहिलाभाओ ॥ २८५ ॥ देवगुणपरिणाणा तब्भावाणुगयमुत्तमं विहिणा । आयरसारं जिणपूयणं तु सन्नाणजुत्ताणं ॥ २८६ ॥ एत्तो चरित्तलाभो होइ लहुं सयलकम्मनिदलणो । ता एत्थ सम्ममेव हि पयट्टियव्वं सुदिट्ठीहिं ।। २८७ ॥
एयमायभिऊण संजायगुरुविम्हओ महानिहिलामेण दरिदो न्च, महारिविजएण सुहडो व्व, चिरविउत्तवल्लह(हा)दसणेण विरहिओ न, सिद्धमहाविज्जो विज्जाहरो व जिणसासणपडिवत्तीए परमं पमोयमुबहतो मुणि25 पुंगवमभिवंदिऊण पडिगओ नियावासं सभारिओ देवसीहकुमारो।
एवं च पइदिणं गुरुचरणारविंदवंदण-देसणायन्नणेहि संजायजिणमयकोसल्लो ठिओ तत्थेव केइ वासरे । अनया रायाणमणुनविऊण चलिओ नियनयराभिमुहं । कहं ?
धूयाविओयधूमद्धइदहियएण पउरसहिएण । चित्तपडिबत्तिसारं कयाणुगमणो नरिंदेण ॥ २८८ ॥
दाणप्पणाम-पियवाणि-दिद्विदाणेहिं जणियसम्माणं । अन्भडवंचे मुहु मुहु मुंचंतोऽणिच्छमाणे वि ॥ २८९ ॥ 30 अणुणितो जणयविओयकायरं पणइणि पयत्तेण । दसियगिरि-गामा-ऽऽगर-सरि-सरवर-काणणाभोगं ॥ २९०॥
कयजोकारो विम्हियकिरायविसरेहिं अंतरवणेसु । कीलंतो गिरिसरिपरिसरेसु रम्मेसु य सरेसु ॥ २९१ ॥
१ सुय १ निहिकुंडल २ सोहम्म ३ ललिय ५ ईसाण ५ देवसेणे ६ य । बंभिद ७ पियंकरचक्कि ८ सिज्मणा होइ विन्नेया ॥१॥ सुविगा १ पुरंदरजसा २ उम्मायंती ४ य चंदकता ६ य । मइसागरो य मंती ८ पिय त्ति पुच्छाइ संवेगो ॥२॥" जेटि• ॥ २ संकेत:-"ढयरि ति पिशाची" ॥ ३ सङ्केत:-"पुर त्ति प्रचुरम्" ॥ ४ मणुन्नविय खं१ प्रा.॥
Jain Education International
For Private & Personal Use Only
www.jainelibrary.org
| SR No. | 001370 |
| Book Title | Puhaichandchariyam |
| Original Sutra Author | Shantisuri |
| Author | Ramnikvijay Gani |
| Publisher | Prakrit Text Society Ahmedabad |
| Publication Year | 2006 |
| Total Pages | 323 |
| Language | Prakrit, Sanskrit |
| Classification | Book_Devnagari & Literature |
| File Size | 9 MB |