Page Text
________________
६८
पुहवीचंदचरिए तइए देवसीह-कणयसुंदरीभवे
[३.१०८'देवीण रूवगव्वं हरि उप्पाइया इमा विहिणा । पाणप्पिया सुकमा नरवइणो रयणचूडस्स ॥ १०८॥ भन्नइ पुरंदरजसा वियक्खणा सयललक्षणोवेया । नीसेसजणाणंदा पञ्चक्खा पुग्नमुत्ति व्व' ॥ १०९ ॥
एवमायन्निय 'अहो ! स्वाइसओ' त्ति जंपमाणेण दाऊण दीणारलक्खं विसज्जिया ते कुमारेण, 'सिद्धपओयण' त्ति परिओसनिन्भरा पडिगया नियनयरिं । कुमारेण वि ईसि हसिऊण भणिया मित्ता 'भो! एयं मम 5 नट्ठमासि'। तेहिं भणियं "कहमेयं ? ति न याणिमो परमत्थं" । साहिए कुमारेण सुमिणवुत्तंते 'देवयापओगो' ति हरिसिया सव्वे वि।
अह कन्नागयचित्तं कुमरं सोऊण पमुइयमणेण । नरवइणा वरणकए महंतया पेसिया तुरियं ।। ११० ॥ लद्धा गउरवसारं निरूविओ वासरो विवाहस्स । चलिओ परिणयणकए जणयाएसा तओ कुमरो ॥१११॥
करि-करह-रह-तुरंगमपमुइयपायालबहलरोलेण । मुहलिंतो गयणंगणदिसंगणाओ समंतेण ।। ११२ ॥ 10 पत्तो अरन्नमज्झे वाहिंतो वाइणो अह कयाइ । हेरिणा हरिऊण वणं पवेसितो एस एगागी ॥ ११३ ॥
भमिऊण दिणं सयलं एगो संसारवत्तिजंतु व्य । देवनिओया वणगहर्णमागओ रयणिगमणत्यं ॥ ११४ ॥ सरिऊण नीइसत्थं अपमत्तो तत्थ चिट्ठमाणो सो । निमुणइ कलुणं सई रुयमाणीए महेलाए ॥ ११५॥
तओ करुणावसेण गओ सणियं सणियं तयासन, पच्छण्णं च निरूवयंतो पेच्छइ कत्तियाकरण कावालिएण मज्जियविलित्तगत्तं मंडलग्गे निवेसियं नयणाणंदयारियं दारियं । 15 एत्यंतरे तं केसग्गेसु गहिऊण करालकत्तिउग्गीरणदारुणकरेण उद्दाममुग्घोसियं कावालिएण 'भयवइ !
सबसिद्धिकारिणि ! मूलधारिणि ! पणयजणवच्छले ! पडिच्छ एवं बालिओवहारं, बाले ! तुम पि करेहि मुदिद्वं जीवलोग, सुमरेहि इट्ठदेवयं, पविस वा कस्सइ सरणं, पहारनिवायपज्जवसाणो ते जीवलोगो' ति । ताहे सज्झसवसखलंतगिरं भणियं तीए
'मुणिणो वि जत्थ घायं कुणति के तत्थ वचिमो सरणं ? । उदयम्मि दहणसीले अवणेमो कत्थ गिम्हुम्हं? ॥११६ 20 तह वि नरसेहरसुओ गुरूहि दिन्नो मणेण पडिवन्नो । निहिकुंडलो कुमारो एको सरणं ममताहे ॥११७ ॥ तओनियनामसवणसंकियमणेण कारुनरसपहाणेण । कयकेसग्गहमह सो इक्किय भणिओ कुमारेण ॥ ११८ ॥ 'पावि ! दुट्ठ ! निठुर ! नट्ठो सि अणज ! अज्ज निरवजं । कन्नारयणमणाई इच्छंतो तुमेत्ताहे' ॥ ११९॥
तओ संखुर्तण भणियं कावालिएण 'भो महासत्त ! मा विग्धं करेहि, कया मए दुकरा पुत्रसेवाइसामग्गी, 25 दुक्खेण मए पाविया एसा सव्वगुणसंपुन्ना कन्ना, सिज्झउ मे परमेसरी महाजालिगी विजा, सिद्धविज्जो करिस्सामि भवओ वि महंतमुवयारं ति । कुमारेण भणियं
"लिंगं वहसि मुणीणं कम्मं चंडाल-डंबसारिच्छं । लजसि न अप्पणो च्चिय करेसि किं मूढ ! विज्जाए ?॥१२० तुच्छेहियफलकज्जे मा चिरधरियं वयं विणासेहि । किं न सुयं चिय तुमए 'दुहगहणं पाणिघायाओ" ॥१२१॥
ता उवरम एयाओ ववसायाओ विवागकडयाओ। उवयारेण वि पज्जत्तमम्हमेत्तो वि अत्रेण" ॥१२२॥ 30 एमाइमहुरमुबइठे कुमारेण पडिबुद्धो एसो, गहिओ पच्छायावेण, विरओ तयारंभाओ। 'महाभाग ! वारिओ
तए ई कुगइगभीरंधकूवनिवायाओ करिस्सामि संपयं गुरुसमीवे पच्छित्तं पडिवजिय विसुद्धं पारत्तहिय, तुमं पुण एवं
१पयमा जे विना ॥ २ सुविण जे विना ।। ३ मुहलंतो जे विना ॥ ४ पत्तो य रन्न' जे विना ॥ ५ "अधेन" जेटि• ॥ ६ णमइगमओ जे विना ॥ ७ सकेतः-"पत्ताहे ति इदानीम्" ॥ ८ मम्ह पत्तो जे• विना ।।
Jain Education International
For Private & Personal Use Only
www.jainelibrary.org
| SR No. | 001370 |
| Book Title | Puhaichandchariyam |
| Original Sutra Author | Shantisuri |
| Author | Ramnikvijay Gani |
| Publisher | Prakrit Text Society Ahmedabad |
| Publication Year | 2006 |
| Total Pages | 323 |
| Language | Prakrit, Sanskrit |
| Classification | Book_Devnagari & Literature |
| File Size | 9 MB |