________________
.४४६ ] सिरिचंदवियर
[ ४४. १६. ३पणवेप्पिणु केवलि कलुसहरु
संथुउ सीमंधरु रायवरु । जाणाविउ अप्पउ फुहइवई
हउँ भद्दयमहिसु विसुद्धमई। तुह वयणु मरतें भावियउ
पहु तेण सुरत्तणु पावियउ। ५ पणवेप्पिणु कुगइविवज्जियउ
इय भर्णवि तेण गुरु पुज्जियउ । पच्चक्खु एहु पेच्छेवि जणु
हुउ सयलु वि जिणमयलीणमणु । निसुणेवि धम्मु वारियकुगइ
पुच्छिउ पुहईसें परमजइ । परमेसर तुम्हइँ काइँ एउ
सहुँ भद्दयमहिसें जाउ खेउ । ता हरिगलसेणावइपहूइ
अवरोप्परु दावियदुहविहूइ । १० नियभवसंबंधु सव्वु कहिउ
निसुणेवि निवेण मोहु महिउ । घत्ता-रायलच्छि नियनंदणहो ढोइवि सिरिदत्तहो ।
किउ सामीवर निक्खवणु तासु जे भयवंतहो ॥१६।।
गाहा--केहिँ मि संजमनियमं सम्मत्तं तं निएवि निक्कंप ।
अणुगुणवयाइँ केहिँ मि केहिँ मि सामाइयं गहियं ।। अवरु वि प्रायन्नह लोहफलु
सुरधेणुहे लग्गिवि पहयखलु । संगामि परसुरामेण हउ
सहसकरु वि ससुउ विणासु गउ । कोसलपुरि सहसबाहु निवई
महएवि महासइ चित्तमई। . ५ नंदणु पारोहपलंबभुउ
तहे कत्तविज्जु नामेण हुउ । ते विनि वि जणपयणियपणया
एक्कहिँ दियहम्मि तायतणया । सपरियण दीणजणदिन्नधणा
गय वारिबंधु करिधरणमणा । नामें जमयग्गि पसिधु जणे
निवसइ तहिँ तावसु विझवणे । सियराममहिंदराम सुमई
तहो नंदण रेणुय कंत सई। १० तहि कामधेणु तिहुयणमहिया
सिद्धाण परसुविज्ज सहिया । तुट्टेण अरिंजएण मुणिणा
दिन्नी नियभायरेण मुणिणा। दिन्नउ दालिद्दो तेहिं जलु
चिंतिउ सुरसुरहि देइ सयलु । घत्ता-एत्तहिँ हत्थि धरेवि रिसि आसमि जमयग्गिउ ।
दिट्ठउ तेहिँ नमंसियउ विसहियपंचग्गिउ ॥१७॥
गाहा-अब्भागयपडिवत्ती तेण वि काऊण ते वराहारं ।
भुंजाविया ससेणा सयणा सुरनंदिणीदिन्नं ।।
Jain Education International
For Private & Personal Use Only
www.jainelibrary.org
