________________
संधि ४४
कुमइप फासिंदियवसप्र लग्गिवि गोवालहो ।
नियनंदणु गहवइणिया मुहि छुद्धउ कालहो । गाहा–दाहिणदेसम्मि वरे नयरे नासेक्कनामधेयम्मि ।
गहवइ सायरदत्तो होतो इह आसिकालम्मि ।। पिय नायदत्त तहि उयरि हुमो
तहो सिरिकुमारु नामेण सुप्रो। ५। सुहि सयणविंदपयणियपणया
सिरिसेणा बालरंड तणया । खलु नंदिमित्तु नामें भणिउ
गोवालउ पालइ नंदिणिउ । घरविणि दुच्चारिणि दुट्ठमई
अच्छइ सहँ तेण निबद्धरई । लोयण दुवखंति पवंचु किउ
एक्कहिं दिणि सो णियहम्मि थिउ। अमुणियपवंचु आसन्नखउ
गोसामिउ गाविउ लेवि गउ । १० चारेवि ताउ सोवंतु वणे
गोवेणावेप्पिणु तम्मि खणे । रयणिहं भल्लेण वियारियउ
पच्छन्ने होइवि मारियउ। विणिवाइए पिश सब्भावच्या
गहवइणि निरंकुस नवर हुया । जाणंतु वि मायहे किं करइ
सुउ जूरइ अणुदिणु घुरुहुरइ । धत्ता-अन्नहिँ दिणि उद्देइयत्र सो ताण पउत्तउ ।
मारहि एहु वि दुट्ठमइ अच्छइ जूरंतउ ॥१॥
गाहा-तं निसुणेप्पिणु गोवो मंडिवि मिसंतरं ठिपो गेहि ।
इयरो वि गमो रन्नं चारे, लेवि गाईओ ।। गच्छंतु वणंतु किसोयरिए
भायरु सिक्खविउ सहोयरिए । बंधव मा होज्जसु वियलु मणे
रक्खेज्जसु अप्पउँ अज्जु वणे । पावेण एण हउ तुह जणणु
संपइ पइँ दीसइ हणणमणु । ता गउ तहिँ लधुवएसु वरु
सुरहियउ चरावेप्पिणु पसरु ।। वइसारेवि एक्कपवेसि पुणु
उट्ठाविवि खोटु सपावरण।
५
Jain Education International
For Private & Personal Use Only
www.jainelibrary.org
