________________
४०. ७. २ ] ' कहकोसु
[ ३६१ एक्कहिँ दिणि मइँ पुच्छेवि रत्ति
नडु पेक्खहुँ गउ वरु नाउ झत्ति । हुय बड्डी वार दुवारु देवि
थिय उल्लरेवि दिढु मोणु लेवि । जामच्छमि कोवें ताम कंतु
आगउ उग्घाडहि पिए भणंतु । ५ पुणु पुणु वि पयंपिउ विणयसारु
उग्घाडिउ तो वि न मइँ दुवारु । सिक्खवमि ताम जिह पुणु न जाइ मई मेल्लेप्पिणु रयणिहिँ कयाइ । चितंतु एउ पकुवियमणेण
हय हउँ दुव्वयणहिँ बंभणेण । हलि चुंपि दि मोडि दि हय पचारु उग्घाडहि पाविणि किं न वारु । घत्ता-पुव्वं चिय कोवग्गि उद्दीविउ दुहदायउ ।
१० पुणु वयणेण अणेण अप्पमाणु संजायउ ।।५।।
हा हउँ कि चुंकारणहुँ जुत्त
अवरु वि चुंपि दि मोडि दि पउत्त । लइ कज्जु न कि पि वि विप्पिएण भवणेण एण अन्नु वि पिएण । बलि किज्जउ परिहउ मरणु चारु
इय चितिवि उग्घाडिउ दुवारु । सुउ' सेज्जह बंभणु पइसरेवि
गय हउँ पुरबाहिरि नीसरेवि । भीसावणि जमवयणोवमाणि
चोरेहिँ नियच्छिय तहिँ मसाणि। ५ भूसणइँ सपंगुरुणाइँ लेवि
अप्पिय नियपल्लीवइहे नेवि । परिप्रोसें पहयजुव्वाणगव्व
तेण वि संगहिय भणेवि भव्व । नेच्छंति हयासें करिवि वप्प
पारंभिय गंजहुँ निसिहे वप्प । वारिउ वणदेविण सीलनासु
संकुइउ भिल्लु संजणियतासु । भीयेण मुयाविय नियनिवासु
विक्किणिय दिन्न सत्थाहिवासु। १० तेण वि पारसउलि वणिपहाण
नेविणु विक्किणिय अणिच्छमाण । दससय कंचणहो कुडुंबिएण
देप्पिणु हउँ लइय कुडुबिएण । निक्करुणचित्त चिंतवियवित्तु
किमिरायरइयकंबलु निरुत्तु । घत्ता-सो महुँ सव्वसरीरु छम्मासहिँ पच्छावइ ।
दुक्खकिलेसहिँ एम जाम कालु तहिँ गच्छइ ।।६।। १५
धणदेउ ताम दूयत्तणेण महु भाइउ पायउ मइमणोज्जु
उज्जेणिनराहिवपेसणेण । तें निवइ नियवि किउ रज्जकज्जु ।
Jain Education International
For Private & Personal Use Only
www.jainelibrary.org
