________________
३६. १६. २ ] .
कहकोसु
[ ३८७
१४ तवेण हवेवि जयत्तयपुज्जु
न जाणहुँ कासु हरेसइ रज्जु । वियंभइ जाम न किंचि वि विग्घु
हणिज्जइ ताम तवो तो सिग्घु । मणेवि हरेण इणं हरि वुत्तु
पवासहि को वि उवाउ निरुत्तु । तिणा वि तिणेत्तहो अक्खिउ भेउ
हवेइ तियाण तहो तवछेउ । वियाणिउ सो मइँ गोरिविवाह
हुप्रो जहिँ काले पुरोहु सराहे । ५ सुणेवि समुद्दसुयापियवाणि
पउत्तु उमावइणा' पविपाणि । तिलोत्तिमनामिय बंभतवारि
अणोवम तेण विणिम्मिय नारि । वसंतु सगायणवायणु देवि
विसज्जिय ढालहि बंभु भणेवि । घत्ता-तहिँ गंपि वसंतें कयपहुमंतें चउदिसु नववसंतु विहिउ ।
कलकलकंठीसरु पप्फुल्लियतरु उप्पह जणु मयणें निहिउ ।।१४।। १०
आउज्जिएहिँ आउज्जसदु
गंधव्वहिँ किउ गंधव्वु भद्दु । तहो पुरउ पयासियविब्भमाण
नवरसहिँ न? पारधु ताए। गीयसरु सुणेप्पिणु जणियभाउ
कमलासणु झत्ति सराउ जाउ । वामोहियमणु मयणेण भग्गु
सवियारदिट्ठि भोयणहँ लग्गु । मणु वालिवि पालियसंजमासु
तहिँ निविडसणेहु जणेवि तासु। ५ सा गंपि गयणे पेडयसमाण
थिय दाहिणदिसिहे पणच्चमाण । चिंतइ विहि चित्त अपेच्छमाणु
हो गउ अग्गाउ वि सुहनिहाणु । जइ वलिवि पलोयमि तो णियंति
प्रायासे परिट्टिय सुर हसति । अह न नियमि तो विरहग्गि खाइ अवरु वि लोयणफलु विहलु जाइ। इय चिर्तवि चितिउ पुणु वि तेण
महु दिव्ववरिससहसहो तवेण। १० मुहु होउ नियच्छमि नारिरयणु
ता तक्खणेण संजाउ वयणु । एण जे कमेण पुणु मुहइँ तासु
संजायण अवरुत्तरदिसासु । घत्ता-दूसहनिट्ठासय पंच वरिससय कयतवमाहप्पेण पुणु ।
उप्पन्नु पसत्थर खरसिरु मत्थर एउ वियाणइ सयलजणु ।।१५॥
तवनासे विलक्खीहूयएण मइँ मेल्लेवि जाव न जाइ एह १४. १ 'वइणे।
प्रायासे पसारिय बाहु तेण । लइ ताम निरंभमि चारुदेह ।
Jain Education International
For Private & Personal Use Only
www.jainelibrary.org
