________________
३८६ ] सिरिचंदविरइयउ
[ ३६. ११. १२हउँ देउ सयंभु हिरन्नगब्भु
तेल्लोक्कपियामहु मुक्कडंभु । कत्तारु पयावइ परमजोइ
सव्वहिँ परिहविउ न भत्तु कोइ । घत्ता--बंभण वि नरा अवरे अणुरत्ता विण्हु महारउ नामु जहुँ ।
तिह करमि पयत्तें एक्के चित्तें जिह तेलोक्कु वि नवइ महं॥११॥ १५
१२
इय चिंतिऊण निच्छयमणेण
पारंभिउ वउ वर्ण करहुँ तेण । पाहुट्ट दिव्ववरिसह सहास
गय तहो तवेण दुक्कियविणास । इह वेयवाइ कालप्पमाणु
पंचविहु कहंति पवड्डमाणु । नरमाणु पियररिसिदेवमाणु
पंचमउ महंतु विरिचमाणु । चउपहरहिँ वासरु चउहिँ रत्ति
तिहिँ दसहिँ मासु दिवसहिँ न भंति । ५ नरमाणु तेहिँ बारहहिं वरिसु
पक्षेण रत्ति तहिँ पियरदिवसु । तिहिँ मासहिँ दिणु तिहिँ निसि गणंति रिसिमाणु एव जाणय भणंति । छम्मास रयणि छम्मासु दिवसु
मुणि दिव्वमाणु संजणियहरिसु । निसि वरिसु वरिसु वासरु निरुत्तु बंभहो पमाणु कालो पउत्तु ।
घत्ता—पावियसम्माणे दिव्वें नाणे सद्ध तिनि वरिसहँ सहस। १०
तवचरणु चरंतो वोलीणे तहो एत्तहि मिलिय सयल तियस ।।१२।।
सुरिंदसहाण हरेण मुरारि
पउत्तु निलिंपविवक्खवियारि ।। अहो हरि देव दिवायर चंदु
रिसी वसु किन्नर जक्ख फणिंदु । गहा गह भूय पिसाय रउद्द
इहागय बंभण खत्तिय सुद्द । किमत्थु परेक्कु न दीसइ बंभु
न जाणहुँ किं न चिहावई' संभु । तो गिरिसेण गवेसहुँ तासु
विसज्जिय किंकर सव्वदिसासु। ५ पलोइउ तेहिँ न कंत्थइ दिठ्ठ
नवेप्पिणु एप्पिणु सामिहि सिठ्ठ । पुणो वि मुरारिगिराण सुरेहिँ
विसज्जिउ वाउ पयत्तपरेहिँ । तो तवसोसणखीणसरीरु
विवज्जियभोयणु भुत्तसमीरु । गणेत्तियकुंडियमंडियहत्थु
समोणु जडाधरु वक्कलवत्थु । वणम्मि थिो थिरु एक्ककमेण
सयंभु निहालिउ सव्वगमेण। १० घत्ता-उब्भासिउ' इंदहो नयणाणंदह एप्पिणु देवसहाभवणे ।
अच्छइ झाणासिउ विहिपवणासिउ दुद्धरु तउ तवंतु वियणे ।।१३।। ११. १ जहिम। १२. १ ससह । १३. १ चहावहि। २ उवरासिउ ।
Jain Education International
For Private & Personal Use Only
www.jainelibrary.org
