________________
३८. ६. १० ]
[ ३७५
कहकोसु घत्ता-तिम्मंतिउ विहडप्फडउ इदमुदउ पणट्ठउ ।
जेट्ठ पइट्ठ गुहाहि तहिँ जहिँ साहु पइट्ठउ ।।४।।
दोहा--निप्पीलंतिहे वत्थु तह अन्नोन्नालोएण ।
__सुहुँ सच्चइणा संगु हुउ पुवक्कियजोएण ।। आलोपवि निदिवि खवियकम्मि
थिउ पुणरवि सच्चइ सवणधम्मि । जाणिवि सगब्भ सा संतियाण
चेल्लणहिँ समप्पिय खंतियाए । अच्छंतिम तत्थ पसूउ पुत्तु
अभएण सयंभुगुहाहे घित्तु ।। सिविणंतरु लहिवि सयाणियात्र
प्राणाविउ चेल्लणराणियाए । दसणहो करिवि उड्डाहसामु
दिन्नउ नंदणहो सयंभु नाम । गंतूण पुण वि पव्वइय जेट्ठ
परिपालियसंजमनियमनिट्ठ । वड्ढंतु सिसुहु संजणियताउ
पेक्खिवि देवी रउद्दभाउ । रुट्टा सयंभू रुदु वुत्तु
कालेण निगवि अवरु वि अजुत्तु । १० खलु लज्जविवज्जिउ जारजाउ
कि मेल्लइ केम वि नियसहाउ । भिउडियवयणन दुव्वयणु दिन्नु
निसुणेवि तिसूलें नाइँ भिन्नु । घत्ता-पडु जाएप्पिणु काइँ पुच्छंतही अक्खिउ ।
वइयरु जिह तिह चेल्लण तहो कि पि न रक्खिउ ।।५।।
दोहा--प्रायन्नेवि उप्पत्ति निय गंपि नवेप्पिणु ताउ ।
उत्तरगोकन्नम्मि नए रुदु दियंबरु जाउ ।। गुरु सिक्खण रक्खियअंतरंगु
सिक्खिउ सुउ सो एयारसंगु । विज्जउ सयपंच महाइयाउ
सिद्धउ तो रोहिणिग्राइयाउ । अवरउ सय सत्त लहइयाउ
अंगुट्ठपसेणपहूइयाउ । विज्जासामत्थिउ सीहु होवि
भेसावइ जणु जो एइ को वि । तं निसुणिवि गुरुणा कहिउ तासु
तुह जुवइहे लग्गेविणु विणासु । तं निसुणिवि जत्थ न जुवइवग्गु
तउ करहुँ गंपि कइलासि लग्गु । तामेत्तहे विज्जाहरनिवासि
वेयड्ढमहीहरि जयपयासि । दाहिणसेढीह पसिद्धनामि
पुरि मेहनिबद्धि मणोहिरामि। ५. १ अछंति ।
१०
Jain Education International
For Private & Personal Use Only
www.jainelibrary.org
