________________
संधि ३८
धुवयं-सिद्धिवहूवरइत्तु सव्वण्हु नवेप्पिणु ।
सच्चइरुद्दकह कहमि आयमु जोएप्पिणु ।। दोहउ–इय वेयड्डहो दाहिणहं सेढिहे सुठ्ठ समिछु ।
अत्थि नयरु सुरनयरसमु किन्नरगीउ पसिधु ।। सपयावपरज्जियप्रंसुमालि
तहिँ अत्थि खगाहिउ रयणमालि । ५ सुउ रुद्दमालि सुमणोहरीण
तहो देविण जणिउ मणोहरीए । तेणेक्कहिँ दिर्ण बलवंतएण
सच्छंदें तहिँ विहरंतएण । साहंती विज्ज विवक्खमारि
आलोइय विज्जाहरकुमारि । तह रूवें मोहिउ होवि भमरु
थिउ वयणकमलि छम्मास खयरु । पुणु थणजहणाण पएसि लीणु
थिउ सुहुमु होवि विज्जापवीणु। १० पच्छा पयडीकियनियसरीरु
सो भणिउ ताण परियलियधीरु । पडिवालहि विग्घु म करहि ताम
सिज्झइ सिहि दुल्लह विज्ज जाम ।। सिद्धाण ताण तउ तणिय जाय
होसामि सुहय बद्धाणुराय । तो पुच्छिय तेण मणोज्जरूय
हलि भद्दे कहसु तुहुँ कासु धूय । घत्ता-ताश कहिउ गंधव्वपुरे एत्थेव महाबलु ।
उत्तरसेढिहे अत्थि पहु महु ताउ महाबलु ॥१॥
दोहा--माय पहायरि नाम महु रूवसइत्तण धाम ।
हउँ वि पसिद्धी भुवणयले अच्चामालिणि नाम । बहुदिवसहिँ साहियविज्ज बाल
गय गेहहो अट्ठमियंदभाल । परियाणवि मणु दोहँ वि विवाहु किउ मिलिवि कुटुंबे रइयराहु । बहुकालें रइरसरंजियाहँ
साहेवि पन्नतीविज्ज ताहँ ।। नंदणवणि जिणपूयाहिसेउ।
थुइनमण करेप्पिणु संतिहेउ । अच्छंतहँ मणजयचित्तवेय
तहे मेहुणयागय पबलतेय । महजालिणिविज्जबलेण वे वि .
गय रुद्दमालि बंधेवि लेवि । निज्जिणिवि समरि ते सो वि आउ गउ घरहो समहिलउ साणुराउ ।
Jain Education International
For Private & Personal Use Only
www.jainelibrary.org
