________________
२७. १३. १४ ] ' कहकोसु
[ २६१ एम भणेवि ते वि उट्ठाविय
करिवि मणोज्ज तीन तहो दाविय । ता वणिवइपुत्तेण पउत्तउ
जं भावइ तं होउ निरुत्तउ । तो वि माण वउ लइउ न भंजमि
अवियाणियतरुहलइँ न भुंजमि । १० घत्ता-पेक्खेविण निट्ठाहु तो तुटप देवयाण बोलिज्जइ ।
हउँ वणदेवि पसन्न तुह मग्गहि दिढपइज्ज किं दिज्जइ ॥१२॥
तेण भणिज्जइ जइ महुँ देवय
हुय पसन्न सच्चउ निहयावय। ता एवहिं वयसं जीवावहि
अन्न वि नयरपंथु दरिसावहि । ता ते ती सव्व उट्टाविय
नियमाहप्पें मुय जीवाविय । छुहतिससमु अवहरवि सरीरहो
सुहिसंबंधु करेप्पिणु धीरहो । देविण वुत्तु पुत्त पत्तहो पुरु
तुज्झु करेसमि गुणिगउरउ गुरु। ५ सव्वविहुरहरि एम भणेप्पिणु
गय नियनिलयहो कुहिणि कहेप्पिणु । एत्तहिँ वणि कुसलेण पहुत्ता
मिलिय कुडुंबहो हूय सइत्ता । अन्नहिँ वासरि जणही नियंतही
किउ पूयाहिसेउ देवि तहो । रयणकुसुमगंधोवयवरिसणु
दुंदुहिनीसणु कियउ पसंसणु । नरनाहेण वि परमविहोएँ
पुज्जिउ सो सयलेण वि लोएँ। १० तं निएवि राएँ थिरचित्तहिँ
उमइँ सहुँ मणुएहिँ बहुत्तहिँ । लइयउ तउ केहि मि सावयवउ
केहि मि दिढ दंसणु हयभवभउ । धत्ता-कणयलयात पउत्तु पिउ मझु वि तं निएवि कोऊहलु । संजायउ सिरिचंदजससद्दहाणु जिणसासणे निम्मलु ॥१३।।
कुंदलयाभणिदं सेसं वत्तव्वं । विविहरसविसाले णेयकोऊहलाले । ललियवयणमाले अत्थसंदोहसाले । भुवणविदिदनामे सव्वदोसोवसामे । इह खलु कहकोसे सुंदरे दिन्नतोसे ।।
मुणिसिरिचंदपउत्ते सुविचित्ते सत्तवीसमो संधी। एत्थेसो पोमसिरीउमयकहाकहणनामो हु ।
। संधि २७ ॥
Jain Education International
For Private & Personal Use Only
www.jainelibrary.org
