________________
संधि २५
साव।
धुवयं-एउ कहेवि वणिदें नं पच्चक्ख सिरि ।
__ पढम कंत परिपुच्छिय नामें मित्तसिरि ॥ जंभेट्टिया--अक्खहि पिययमि भुवणपवित्तहो ।
कारणु अणुवमि नियसम्मत्तहाँ ।। सा कहइ कंत पुरि रायगेहि
सुंदरधरसिहरासन्नमेहि। पुहईवइ परबलनियरजूरु
नामेण अत्थि संगामसूरु । तहो कणयमाल कमणीय देवि
नं थिय रइ तियमयवेसु लेवि । तत्थेव वसइ वणि उसहदासु
नामें जिणयत्त कलत्त तासु । सोहग्गसील विणयहिँ अहीण
सा वंझ लया इव फलविहीण । एक्कहिँ दिणि नियपइ निरुवमान
अवसरि कर जोडेवि वुत्तु ताण। १० तिहुयणहो धम्मु रयणिहिँ मियंकु
कुलमंडणु नंदणु निक्कलंकु । संतइ विणु तेण विणासु जाइ
पिय भणमि तुम्ह जइ चित्ति ठाइ । परिणिज्जउ जेण हवेइ पुत्तु
पायन्निवि वणिवइणा पउत्तु । घत्ता--पंचासण वोलीणण मुवि परत्तहिउ ।
अवरु करंतु हसिज्जइ नरु जिह गहगहिउ ।।१।।
१५
जंभेट्टिया-भासइ पिययमा रायवसागयं ।
किज्जइ कम्मु तं जं [न] उवहासयं ।। पडु जाविउ एम भणेवि कंतु
नियचित्तें समउ करेवि मंतु । तेत्थु जे णियतायो तणिय धूय
जिणदासहो बंधुसिरीह हूय । सावत्तिय वहिणि मणोहिराम
कणयाहदेह कणयसिरि नाम । परिणाविउ मग्गिवि समिसालु
गउ सुह माणंतहो थोउ कालु । एक्कहिँ दियहम्मि वहंति नेहु
बंधुसिरि समागय दुहियगेहु । आलिंगिवि विरइयविणयजुत्ति
पुच्छिय वइसारिवि तार पुत्ति ।
Jain Education International
For Private & Personal Use Only
www.jainelibrary.org
