________________
२०६ ] सिरिचंदविरइयउ
[१८. १४. ३पुत्त न होमि सव्वगरुयारउ
सव्वहँ नीलराउ वड्डारउ । एहि जाहुँ तो एण मणोज्जे
पुज्जहि कमकमलाई पउज्जें। तहिँ पच्छावि सो वि जिणवरघरु
चलिउ नमंसहुँ साहु जसोहरु । धणयत्तेण सवणिणा गंपिणु
वुत्तु राउ पुवृत्तु नबेप्पिणु । तेण वि भणिउ स [-व्वजणहियरउ] अच्छइ साहु जसोहरु हयरउ । एहि जाहुँ तो पय सब्भावें
पुज्जहि जेण विमुच्च हि पावें । तो तहिं गंपि भडारउ भासिउ
तेण वि अरुहएउ उवएसिउ । जो तिहुयणवईहिँ पणविज्जइ
तासु अवरु को गरुउ भणिज्जइ। १० घत्ता-मुणिवयणु सुणेप्पिणु कर मउलेप्पिणु पणवेप्पिणु परमेसरहो ।
गोवालेण अमोल्ले एक्के फुल्लें पुज्जिय पाय जिणेसरहो ॥१४॥
तेण गुणेण एत्थ विक्खायउ
सो तुहुँ चंपावइ संजायउ। आसमुद्द मेइणिपरिपालउ
जयसिरिचित्तसयंवरमालउ । जिणपुज्जाफलेण विज्जाहर
होंति अमर अमेयमहिमाहर । जिणपुज्जाफलेण इंदत्तणु
पाविज्जइ जण चक्कवइत्तणु । जिणपुज्जाफलेण जगपियरहो
लब्भइ नामु गोत्तु तित्थयरहो। ५ अहवा लइ कि बहु वणिज्जइ
जिणपुज्जाफलु कहो उवमिज्जइ । उक्तं च-पूजितव्यो जिनो नित्यं त्रैलोक्येश्वरपूजितः ।
जिनपूजासमं पुण्यं न भूतं न भविष्यति ॥ पुज्जिउ जिणु न जेण मुणिभोयणु दिन्नउ सव्वसोक्खसंजोयणु । मुवि मोहु सव्वावइरोहणु
कउ वरतवु न जेण जयखोहणु १० दुल्लहु तें मणुयत्तणु हारिउ
तहो पुणु दुग्गइदुक्खु निरारिउ । विणु रयणत्तएण किं किज्जइ
गमणागमणु कयावि न खज्जइ । सुहमइ एउ सव्वु निसुणेप्पिणु
सिरि सिरिदत्तहो पुत्तो देप्पिणु । पणवेप्पिणु मुणिंदु उवसंतहिँ
लेप्पिणु तवु समेउ सामंतहिँ । घत्ता–जिणवरु आराहिवि चलमणु साहिवि सिरिचंदुज्जलकित्तिजुउ । १५
करकंडु नरेसरु गउ परमेसरु देवलोउ देविंदु हुउ ॥१५॥ विविहरसविसाले णेयकोऊहलाले । ललियवयणमाले अत्थसंदोहसाले । भुवणविदिदनामे सव्वदोसोवसामे । इह खलु कहकोसे सुंदरे दिन्नतोसे ।।
मुणिसिरिचंदपउत्ते सुविचित्ते णंतपयदसंजुत्ते । करकंडसग्गगमणो अट्ठारहमो इमो संधी ॥
॥ संधि १८ ॥
Jain Education International
For Private & Personal Use Only
www.jainelibrary.org
