________________
संधि १७
एत्तहिँ सवसयर्ण खेयरघर वड्ढइ बालउ ।
निम्मलगयणयले नं वीयायंदु सुहालउ । नं माणससरवरि रायहंसु
नं निरवद्दवु गिरिगहणि वंसु । नं सुक्कपक्खि रिक्खेयमित्तु
नं भव्वा धम्मायरणि चित्तु । नं दिणि दिणि सुंदरु सुकइकव्वु
नं चिरकयसुक्कियगेहि दव्वु । नं ऊहापोहिरि मइवियप्पु
नं नवजोव्वर्ण मणि मयणदप्पु। नहचारिहे सिरिसावाहयासु
वड्ढइ व मणोरहु सुहपयासु । पोमावइ एक्कहिँ दियहिँ तेत्थु
गय बालएवघरु बालु जेत्थु । कंडु करेण कर कंडुयंतु
नंदणु निएवि कीलंतु संतु ।। लालेप्पिणु सुइरु पसन्नवाय
करकंडु करेप्पिणु नामु प्राय। घत्ता--एत्तहिँ ताम तहिँ दिणि दिणि वड्ढंतु कुमारउ ।
किउ खयराहिवेण नाणा सत्थत्थविसारउ ।।१।।
५ .
१०
रक्खंतु संतु भीसणु मसाणु
जामच्छइ नियताएँ समाणु । ता तत्थ विन्नि नियकाम
रिसि वीरभद्दजयभद्दनाम । सहँ संघे एवि अमोहवाणि
पासुयपएसि थिय दिव्वनाणि । तहिँ तिन्नि वंस पावेवि कालु
उट्ठिय भिदेप्पिणु नरकवालु । एक्को मुहे दो नयणेसु दोसु
नीसरिय निएप्पिणु जायतोसु। ५ पभणइ मुणि नामें बालएउ
भो नियह नियह अच्छरिउ एउ। माणवकरोडि फाडेवि वंस
केमुट्ठिय किह वड्ढियपसंस । निसुणेवि वीरभद्देण वुत्तु
संघाइिवेण एवं निरुत्तु । जो आयो महिमंडलो सामि
होसइ सवन्नदप्पोवसामि । तहो अंकुसछत्तधयाण दंड
होसंति परिज्जियवइरिदंड। १० घत्ता—निसुर्णवि मुणिवयणु नामेण सुमइ बंभणु मणे ।
चिंता प्रलियगिर न हवंति कयावि मुणिजणे ॥२॥
Jain Education International
For Private & Personal Use Only
www.jainelibrary.org
