________________
१३. १८. १४ ] कहको
[ १५९ अन्नोन्नचिरवइरु नउ को वि संभरइ अणवरउ परमाण मेत्तीय संचरइ । सव्वत्थ परिभमइ जहिँ जहिँ जि मणदिट्ठि तहिं तहँ जि खयरामरापणयपरमेट्ठि। सुनियत्थसुपसत्थनेवत्थवरकाय
नियनिलउ नीसुन्नु काऊण नं प्राय । १० घत्ता-सिरिसरसइ मेल्लेप्पिणु सइ दूरोसारियभवरिणहो ।
को य क्कइ वण्णहुँ सक्कइ समवसरणसंपय जिणहो ॥१७॥
१८ उन्नइ घरतरुथंभहँ तणिया
जिणतणुमाणे बारहगुणिया । पायार थूहमणि वेइयउ
अट्ठउणउ नवर निवेइयउ । महि मेल्लिवि पंचसहासधणु
जं थिउ गयणंगणि रम्मतणु । जहिँ जिणवयणामयलीणमणु
बारहकोढेसु निविठ्ठ जणु । रिसि पढमि वीन कप्पामरिउ
तइयम्मि को? संयमधरिउ । तुरियइ जोइसियहँ सुंदरिउ
पंचमइ वियाणह वेंतरिउ । छ? भवणामरजुवइजणु
सत्तम ताहँ भत्तारगणु। अट्ठमइ अट्ठविहसुरनिवहु
नवमइ नक्खत्त थिया सपहु । दहमप्र कप्पामर पणयपरा
एयारहमण नीसेस नरा । बारहमण हरि करि किडि ससया
सिहि सप्प अवर तिरियंच सया। १० अणवरउ जत्थ संगीयसरु
सयलु वि जणु जयजयकारपरु । सहुँ सेन्ने हरिसुद्ध सियतणु
तहिँ राउ पइठ्ठ पहिट्ठमणु । घत्ता-पेच्छिवि सुहु जिणदेवहीं मुहु विहसिउ मगहाहिववयणु ।
सिरिचंदही जयणाणंदरे दंसणेण नं कुमुयवणु ॥१८।। विवहरसविसाले णेयकोऊहलाले। ललियवयणमाले अत्थसंदोहसाले । भुवणविदिदनामे सव्वदोसोवसामे। इह खलु कहकोसे सुन्दरे दिन्नतोसे ।
मुणिसिरिचंदपउसे कहकोसे एत्थ सेणियक्खाणे । जिणसमवसरणरयणानिरूवणो एस तेरसज्झाउ।
- ॥ संधि १३ ॥
Jain Education International
For Private & Personal Use Only
www.jainelibrary.org
