________________
१५६ ] सिरिचंदविरइयउ
[ १३. १०. ४अणेयदेवयासिनो
अणेयपुप्फवासियो। भमंतमत्तभिंगो
नहग्गलग्गसिंगो। अणेयसावयाउलो
अणेयचोज्जसंकुलो। अणेयसिद्धखेयरो
वई व जो मणोहरी। पलोइअो महीहरो
धराइ नाइँ सेहरो। घत्ता-तो मत्थ दिठ्ठ पसत्थत मोक्खु व तइलोयग्गि थिउ ।
भवभयहरु सुट्ठ मणोहरु समवसरणु भव्वयणपिउ ॥१०॥ १०
५
जोयणपमाणु नियमलु
अमराहिवनीलनिबद्धतलु । नित्तलमुत्ताहलतोरणउ
नं बंभु चारु चउराणणउ । जहिँ पंचवण्णमणिधूलिमउ
पायारु महंतु सुरेहिँ कउ। कंचणमणिमय' मणोहर'
अणुलग्गइँ तासु अरुहघरइं । माणवमाणंत तिलोयथुया
पुणु माणथंभ जिणबिंबजुया । चउ चउ चउ दिसहिँ सुहावियउ मणिमयसोवाणउ वावियउ । कीलंतहंसकारंड सया
पप्फुल्लहिँ फुल्लहिँ दिहियपया । पुणु परिह विसाल पवित्तजला
सपुरिसमइ व्व अविलद्धतला । घत्ता-चउ दिसु घणु पुणु वेल्लिवणु कुसुमामोयभमियभमरु ।
हेमुज्जलु चुंबियनहयलु पुणु पायारु अईववरु ॥११॥
वारेसु जासु निरु निम्मलइँ
सोहंत अणेयइँ मंगलइँ। वणसुर विविहालंकारधरा
पडिहार परिट्ठिय वज्जकरा । सुरवहुपारंभियनच्चणउ
सुरगायणरंजियजणमणउ । वाइत्तयसद्दमुहालियउ
पुणु दो दो नच्चणसालियउ । अणवरयसुधूयधमनिवहा
वासियदियंतरायावसहा। चउसु वि दिसासु दो दो पयडा
कंचणमय संठिय धूयहडा । ससरोवरगिरिकेलिहरई
कोलंतसुरासुरसुंदरई। फलपुप्फपवालजालघणइं
पुणु विउलइँ चउ नंदणवणइं । घत्ता-चउवारण तिप्पायाराण पीढि तिमेहलि मणिकिरणे। .
अइकोमलु चलकिसलयदलु सहइ असोउ असोयवणे ॥१२॥
Jain Education International
For Private & Personal Use Only
www.jainelibrary.org
