________________
[ १५५
१३. १०. ३ ]
कहकोसु घत्ता-भयवंतें समरिउमित्तें जाणेप्पिणु उवसंतमणु ।
वरभासए पुण्णपयासए उच्चारिवि आसीवयणु ॥७॥
५
दुक्कियकम्मिंधणजलणसिह
किय धम्मस्सवण अणेयविह । निसुणेवि अणोवमु मुणिवयणु
निवु निदिवि अप्पुणु पुणु जि पुणु । जायउ जिणसासणि लीणमणु
पडिवन्नउ खाइउ सद्दहणु । नहयलि सुरेहिँ अहिणंदियउ
ता राउ जाउ आणंदियउ । वंदेप्पिणु सिरिजसहरसवणु
आयउ पुहईवइ नियभवणु। दूरुज्झिय मिच्छासमयमणु
सुहुँ करइ रज्जु पालियसुयणु । चेल्लणमहएविप्र परियरिउ
रामु व सीयाण अलंकरिउ । एक्कहिँ दियहम्मि सहाभवणे
जामच्छइ पहु नरनियरघणे । घत्ता-आवेप्पिणु कर मउलेप्पिणु ता वणवाले विन्नविउ ।
परमेसरु नाणदिणेसरु देवदेउ सुरनरनविउ ॥८॥
सामिय तइलोयलोयसरणु
अमराहिवरइयसमोसरणु । जियदुज्जयकामकसायरणु
दूरीकयजाइजरामरणु । दुग्गइ दुहपंकनिदाहदिणु
विउलइरि पराइउ वीरजिणु । आयणवि एउ धराधरणु
तो देवि सव्वअंगाहरणु । सहसत्ति कयासणपरिहरणु
पय सत्त सुविणयालंकरणु। परिप्रोसिउ तद्दिसि कयगमणु
जयदेव भणेवि पसन्नमणु । पणवेप्पिणु भूयलि लुलियतणु
भेरीरवपरिपूरियभुवणु । सम्मत्तें संगयसव्वजणु
गउ वंदणहत्तिय करिवि खणु । गच्छंतु संतु संपयभवणु
संपत्तउ सेलममीववणु। घत्ता-वरवंसउ लद्धपसंसउ सकरि सहरि सचमरु ससिरि।
धरधारउ रयणहिँ सारउ नियसमु राएँ दिठ्ठ गिरि ॥९॥
१०
करंतसच्छनिज्झरो गिरीसु तुंगदेहरो अणेयनायनाइनो
भरतरुंदकंदरो। तडीनिसन्नमेहनो। अणेयरुक्खराइयो।
Jain Education International
For Private & Personal Use Only
www.jainelibrary.org
