________________
१०. १३. १३. "] कहकोसु
[ १२३ १२ वत्थाहरणविलेवणहिँ भूसिवि पणयपयासु ।
पुणु तंबोल मुहेण मुहे ताण विइन्नउ तासु ।। प्रालिंगिवि चुंबिवि सुइरु वरु
गय बहुविलाउ सा करिवि घरु । । तारिस निसुणेवि निवेण विहि
देवाविउ तहो रुटेण सिहि । पुणरवि मोहंध पुरंधि तहिं
गय भम्मीकउ भत्तारु जहिँ। ५ पूज्जेवि भूइ वरपरिमलेण
सिंचेवि बहलचंदणजलेण । पुज्जेविणु पुप्फहिँ सोह किय
तं प्रालिंगेवि रुयंति थिय । तं तहो पहाण ताएण तहे
पेच्छेवि छुहाविउ छारु वहे । तेणेव विहाणे पुणु वि गया
जलि पिउ नियंति बुड्ड वि सया।। आलिंगणे किं तहो जाउ सुहं
पुज्जाइवि पाविउ पहयदुहं । १० कि भूइजलालिंगणिण तए
संपत्तउ सोक्खु रुयंतियए । किं तत्थ गवसंती वरु
आलोइउ दावियनेहभरु । घत्ता-जिह तत्थ न ती पत्तउ सुहु सो दिठ्ठ नउ ।।
तिह बुद्धमयस्स बाहिरस्स किर सोक्खु कउ ।।१२।।
जे निसुणेप्पिणु एह कह बुद्धो धम्मु मुयंति ।
जम्मसए वि न ते नर' सोक्खु कयावि नियंति ॥ एवंविह अवर कुहेउ सया
दावेवि तेण तहां कुमइ हुया। गउ पुणु मिच्छत्तो कम्मगइ
पेच्छह किं करइ विसुद्धमइ । पणवेप्पिणु गुरु मन्निउ खणिउ
मन्नाविवि मंतीसें भणिउ । रायहो पहाग अत्थाणि मइँ ।
पुच्छंतह चारण दिट्ट पइँ। इय सक्खिवाउ संदेहहरु
दायव्वु किमुत्तरु कहसु गुरु । ता भासइ भिक्खु उवासयहो
जुज्जइ न पसंसणु परमयहो । उल्हाविज्जइ न पईवु वरु
सिरि सुगयधम्मु कल्लाणकरु । तेणेउ भणिज्जहि किं पि नउ
मइँ दिट्ठउ किं पहु कहमि तउ। १० कि बहुणा कल्लि म राउलहो
जाएज्जसु नरनियराउलहो। घत्ता-पडिवजेवि एह पणवेप्पिणु तो भत्तिपरु ।
गउ मंति सगेह गयतमि उइउ तमोहहरु ॥१३।। १३. १ वि ते न न । १३. २ "नियरविउलहो ।
Jain Education International
For Private & Personal Use Only
www.jainelibrary.org
