________________
कहकोसु.
७. ४. १७ ] .
[ ७६ सुणेप्पिणु एउ पयंपइ पाणु
इमो फणि दिट्ठिविसो हियपाणु । अगम्मु महोसहिमतहिँ दुठ्ठ
इमस्स विराउ वि संकइ सुठ्ठ। १० हसेविणु जंपइ ता जुवराउ
करेसइ काइँ किरेहु वराउ । महं महमंतसुमंडलमुद्द
विहाणपरस्स सुमुंच रउद्द। . : तुरंतु तिणा तउ सप्पु विमुक्कु
कयंतु व भूवइपुत्तही ढुक्कु। समग्गु वि लंघिवि तेण विहाणु
निवंगउ खद्ध गुणोहनिहाणु । विसें निविसेरण वि विग्गहु चिन्नु
निवण्णु धरायलि रुक्खु व छिन्नु । १५ नियच्छिवि तं भयभंतमणेण
विमुक्कउ धाहउ बंधुजणेण। निवेण तनो सहसा सपइज्ज
अणेय पवीण अणाविवि वेज्ज । पउत्त पयत्तपरेण करेहु
विसक्खउ पुत्तो जीविउ देहु । पत्ता–ता तेहिँ वियाणिवि लक्खणहिँ कहिउ निवहां सोयाउरहो ।
प्रहु कालठ्ठ देवा वि नउ जीवावहिँ गउ जमपुरहो ॥३॥ २०
वस्तु-मुणिवि राएँ एउ मायंगु
मिल्लतेणंसुइँ गग्गिराण सगिराण वुत्तउ । जीवावहि पुत्तु तुहुँ देमि अद्ध रज्जही निरुत्तउ ।। भासिउ चंडालेण पहु अत्थि एक्कु महु मंतु ।
तासु पहावें सुंदरहीं संजीवइ तुह पुत्तु ॥ एसो मई मज्जायाए लद्ध
जो जीवाविज्जइ सप्पखद्ध । तेणेह महीस मणोहेरण
दूरहो प्रोसारियगरभरेण । सो जइ निग्गंथु हवेवि चारु
जिणदिक्ख लेइ उज्झियवियारु । तो जीवावेज्जसु भणिवि एउ
दिन्नउ गुरुणा महु मंतु देउ। जइ एउ समिच्छइ नंदणेसु
तो वाहमि मंतु विसोहणेसु। राएण पउत्तउ एव होउ
छुडु जीवउ पुत्तु पलाउ सोउ । डोंबेण फुराविय निययसत्ति
उट्ठाविउ निवनंदणु झडत्ति । संतुट्ठ सव्व थुइ विहिय तासु
एवड्डु भुवणि माहप्पु कासु । ता जीवियव्वविहि वज्जरेवि
दमवरमुणिपायसमीवि नेवि । सुउ धम्मु सुणाविवि राणएण
लेवा विउ तउ सुवियाणएण। एत्थंतरि देवें पुव्ववित्तु ।
संबंधु जणाविउ रायउत्तु। कालेण वियाणिवि गुणविसेसु
हुउ सो जिणकप्पिउ सुद्धलेसु ।
१०.
१५
Jain Education International
For Private & Personal Use Only
www.jainelibrary.org
