________________
संधि ६
धुवयं-इय अक्खिउ जिह लक्खिउ दोसु अयालज्झयणहो ।
___ गुणपणयहाँ सुयविणयहो गुण भासमि भव्वयणहो । दुवई-वच्छाजणवयम्मि कोसंबीपुरि परिपालियावणी ।
अस्थि नरिंदु नाम धणसेणो धरणीवइसिहामणी ॥ तहो वल्लभ रइ व्व मणभवणहो
धणसिरि धणसिरि व्व दणुदवणहो । ५ सा सइ जणमणनयणाणंदिरि
जिणमुणिंदकमकमलिदिदिरि। राउ वि भागवदो परिवायहँ
भत्तु सया वि मुरारिहं पायहँ । तहो गुरु तत्थुवलद्धपइट्ठउ ।
अत्थि भगवु नामें सुपइट्ठउ । सव्वकाल अग्गासणि भुंजइ
जलथंभणमंतें जणु रंजइ। एत्तहे वेयड्ढहे जियसुरपुरु
दाहिणसेढिहे रहनेउरपुरु।। विज्जुप्पहु नामेण पहाणउ
अत्थि तत्थ विज्जाहरराणउ । सावउ अभिगयसम्माइट्ठिउ
कुगुरुकुदेवहं दूरि परिट्ठिउ । विज्जुप्पह नामें पियपत्ती
तासु विण्हुपयपंकयभत्ती।। र्वदणहत्तिहेउ नीसंकइँ
वे वि ताइँ नावइ सइसक्कइँ। दिव्वविमाणं गयणि भमंतइँ
एक्कहिँ दिवहे तत्थ संपत्तइँ। १५ माहमासि घणतुहिणनिवायण
कयबद्दलिए वहंतरवायए। ण्हाएप्पिणु हरि हरि पभणेप्पिण
जमुणदहे बहुबुड्डउ देप्पिणु । पत्ता-तें तो नियमंतहा जाउ जवंतु जलोवरि ।
उवविट्ठउ कयनिट्ठउ भिसियाए भासेवि हरि ।।१।।
1
॥
विभिय तं निएवि विज्जाहरि विज्जाहरहा भासए ।
नियसमयट्ठियाण तवसीणं माहप्पं पयासए ॥ एदिसम्मि अदिसीदबद्दले
पेच्छ पेच्छ पहु एत्थ निम्मले । ण्हायिऊण जमुणानईजले
तवबलेण ठिउ जेम भूयले । झाणजोट एयग्गभावणो
एहु अम्ह तवसी सुहावणो । तं सुणेवि कुमुयाणुगामिणी
भणिय विज्जतेएण भामिणी ।
C
Jain Education International
For Private & Personal Use Only
www.jainelibrary.org
