________________
४. ४. ४ ] , कहकोसु
[ ३७ तेणुत्तउ कत्थइ होंतु पाउ
एत्थच्छइ इहु बंभणु पिसाउ । सो सव्वगुणालउ चारुरूउ
णं जाउ मरलु एत्तिउ विरूउ । नच्चेवउँ गाएवउँ वरिठ्ठ
महु भावइ जइ तेणोवइछ । चउसु वि वेएसु सयंभु नाइँ
सत्थत्थें सुयएवी विभाइ । तं गुणविणोयजणियाहिलासु
खणु जणु वि न मेल्लइ तासु पासु । १० जहिँ गच्छइ तहिँ तहिँ समउ जाइ मोहणु गहिलेण विइप्णु नाइँ । तं सुणवि पहिउ पुहविनाहु
गुणिवत्तए तूसइ किं न साहु । पेसिउ हक्कारिउ सो वि राउ
आलोयवि लहु सयमेव आउ । अन्नोन्नु पलोइउ सायरेहिँ
दोहिँ मि नं रविकमलायरेहिँ । गंभीरमहुरदुंदुहिरवेण
उच्चारिउ आसीवाउ तेण । १५ घत्ता--मेइणि जाम ससायर चंददिवायर सुरगिरि सग्गि सुराहिवइ ।
ताम रज्जु रज्जेसर कुरु परमेसर होउ निरंतरु धम्मि मइ ॥२॥
हेला--प्रासीवाउ देवि नीसेससत्थपत्तं ।
पायडियं तिणा नियं निम्मलं बुहत्तं ।। पहयावरविउसत्तणमयाइँ
, [दरिसाविय अच्छेरयसया।] विभिउ नरिंदु गुणरयणगेहु
निच्छउ सामण्णु न होइ एहु । अहमिंदु चंदु खगवइ किमक्कु
हरिहरु कमलासणु सुक्कु सक्कु । ५ सुरमति गहिल्लायारधारु
अहवाउ पलोयहुँ पुहइ चारु । किं विस्सकम्मु सव्वंगजाणु
किं सव्वसिद्ध भुवणप्पहाणु । अहवेहु सहसमुहु पन्नगेसु
किं सरसई किउ पुरिसवेसु । अहवेहु जि पुच्छिज्जइ निरुत्तु
किं अलियवियप्पहिँ चलइ चित्तु । इय चितिवि चितियपयसिवेण
परिपुच्छिउ सो सइँ पत्थिवेण । १० को तुहुँ कहिँ होंतु किमत्थु प्राउ ___उवएसहि सुंदरमइ सहाउ । घत्ता--वयणु सुणेप्पिणु रायही वड्ढियरायहो कहइ स वइयरु विप्पवरु ।
अस्थि देसि कुरुजंगलि रिद्धिसमग्गलि नरवरिंद करिणायपुरु ॥३॥
हेला--तत्थ महाबलो बलो पत्थिवो पहाणो ।
सिवदत्तो पुरोहियो तासु सव्वजाणो ।। संजाउ पुत्तु तहो बंभणीण ।
सोमिल्ला कामु व रुप्पिणी । सु वि सुयणहँ नयणाणंदु देंतु
वड्ढिउ नवयंदु व कलउ लेंतु ।
Jain Education International
For Private & Personal Use Only
www.jainelibrary.org
