________________
संधि ४
धुवयं--सासयसुहवावणु कहमि पहावणु कह प्रायन्नह देवि मणु ।
भरहखेत्ति कुरुजंगलि जणवण निम्मलि करिपुरु अत्थि वियड्ढजणु ॥
हेला--तं पालए महाबलो कित्तिए वलक्खो ।
__बालसिरिपियाजुअो [गुणनिही] सुलक्खो । तहु रुद्ददत्तु लामिं पुरोहु
सुहकम्मु व सव्वावइनिरोहु। ५ सोमिल्लहिँ हुउ बंभणिहिँ तासु
सुउ सोमदत्त गुणगणनिवासु । एत्तहिँ पट्टणि अहिछत्तनामि
दुम्मुहु नरिंदु नयणाहिरामि । दुम्मुहमहएविहे जणियकामु ।
तस्सत्थि पुरोहु सुभूइनामु । कासवि पिय नंदणु सोमभूइ
सुय जन्नदत्त नं मयणदूइ । अब्भसियसव्वसत्थत्थवेउ
नियबुद्धिविसेसपयासहेउ । सो एक्कहिँ वासरं करिपुराउ
ससियत्तु सुभूइसमीवि आउ । सुहगोट्ठिए परिप्रोसियमणाइँ
अच्छेवि तेण कइवयदिणा। विणएण पउत्तु जणेरिभाइ
दक्खालहि सपहु गुणाणुराइ । गविउ मिच्छत्तरुई रिऊण
थिउ तं सुभूइ अवहेरिऊण । . मामहो मुर्णवि असमंजसत्तु
[तहो घरु मुएवि गउ सोमयत्तु ।] १५ धूलीधूसरिउ विवक्कवेसु
ण्हाणक्खण जडसंजायकेसु । बहुभेय. गेयइँ गायमाणु
पह चच्चरि घरि घरि णच्चमाणु । नीसल्लमल्लसंजणियसोहु'
सच्छंदवारिजणजणियखोहु। घत्ता--नाणावेसविसेसहिँ लोयसहासहिँ परिवेढिउ विभउ करइ ।
कीलइँ नीसरियउ गणपरियरिउ गोरीपइपुरे संचरइ ॥१॥
हेला--नाणाभावधारओ विविहपत्तयड्ढो ।
रंगहिँ पइट्टो नं नडो वियड्ढो । पसरंततूरबंदिणनिणाउ
एक्कहिँ दिणि बहि नीसरिउ राउ । पेच्छवि जणमेलावउ महंतु
पासत्थु पुरिसु पत्थिवेण वुत्तु। कज्जेण केण दीसइ जणोहु
जाइवि जोएवि मिलंतु मोहु। ५ १. १ निमल्लमल्ल ।
Jain Education International
For Private & Personal Use Only
www.jainelibrary.org
