________________
स्वोपज्ञरहस्यवृत्तिविभूषितं __ जेर्गिः सन्-परोक्षयोः ।४।१॥३५॥ __ सन्-परोक्षयोर्द्वित्वे सति पूर्वात् परस्य जेर्गि: स्यात् । जिगीषति, विजिग्ये ।।२६॥
चेः किर्वा ।४।१॥३६॥ सत्-परोक्षयोर्द्वित्वे सति पूर्वात् परस्य चे: किर्वा स्यात् । चिकीषति, चिचीषति ; चिक्ये, चिच्ये ।।२७||
पूर्वस्याऽस्वे स्वरे योरियुत् ।४।१॥३७॥ द्वित्वे सति य: पूर्वस्तत्सम्बन्धिनोरिवर्णोतोरस्वे स्वरे परे इयुवौ स्याताम् । इयेष, अरियति, उवोष । अस्व इति किम् ? ईषतुः । स्वर इति किम् ? इयाज ।।२८।।
ऋतोऽत् ।४।१॥३८॥ द्वित्वे सति पूर्वस्य ऋतोऽत् स्यात् । चकार ।।२९।।
ह्रस्वः ॥४॥१॥३९॥ द्वित्वे सति पूर्वस्य ह्रस्व: स्यात् । पपौ ॥३०॥
ग-होर्जः।४।१४०॥ द्वित्वे सति पूर्वयोर्ग-होर्ज: स्यात् । जगाम, जहास ||३१||
द्युतेरिः ।४।१।४१॥ द्युतेर्द्वित्वे सति पूर्वस्य इ: स्यात् । दिद्युते ।।३२।।
द्वितीय-तुर्ययोः पूर्वी ।४।१४२॥ द्वित्वे पूर्वस्य द्वितीय-तुर्ययोर्यथासङ्ख्यं पूर्वी आद्य-तृतीयौ स्याताम् । चखान, जझाम ॥३३॥
तिर्वा ष्ठिवः ।४।१४३॥ ष्ठिवेर्द्वित्वे पूर्वस्य द्वितीयस्य तिर्वा स्यात् । तिष्ठेव, टिष्ठेव ॥३४।।
व्यञ्जनस्याऽनादेर्लुक् ।४।१।४४॥ द्वित्वे पूर्वस्य व्यञ्जनस्याऽनादेर्लुक् स्यात् । जग्ले । अनादेरिति किम् ? आदेर्मा भूत्, पपाच ।।३५।।
Jain Education International
For Private & Personal Use Only
www.jainelibrary.org
