________________
૨૪
બૃહદ્ – આલોચનાદિ પદ્ય સંગ્રહ
દૈહિક કામનાથી અને વિષયની ભીખથી મારા દિલને વાર. કષાયની તપ્તિથી બચાવ. મારા સર્વે વિઘ્નો દૂર કર, કે જેથી સ્થિરતા અને આનંદથી હું તારી સિદ્ધિને અનુભવું.
મારી સર્વે શુભેચ્છા તારા વચનપસાયથી પૂર. સાચા માર્ગ બતાવનાર ગુરુના પસાયથી પૂર. મને જૂઠા હઠવાદથી અને જૂઠા ધર્મથી છોડાવ. કુગુરુના ફંદથી બચાવ.
તારા પસાયથી મન, વચન ને શરીર આદિ જે શક્તિ હું પામ્યો છું તે સર્વે શક્તિ હું ખોટા વા પાપના કામમાં ન વાપરું, અને ફોગટ વખત ન ગુમાવું એ બુદ્ધિ આપ.
તારા પસાયથી હું સર્વેને સુખનું કારણ થાઉં, કોઈને દુઃખનું કારણ ન થાઉં; માટે મને સત્ય અને દયાથી ભરપૂર કર, અને જે મને યોગ્ય હોય તે આપ. ખોટા મનોરથ અને વ્યર્થ વિચારથી હંમેશાં બચાવ.
૧૪. રનાકર પચ્ચીશી
(હરિગીત છંદ) મંદિર છો મુક્તિ તણાં, માંગલ્ય ક્રીડાના પ્રભુ, ને ઈન્દ્ર નર ને દેવતા, સેવા કરે તારી વિભુ; સર્વજ્ઞ છો સ્વામી વળી, શિરદાર અતિશય સર્વના, જય પામ તું! જય પામ તું! ભંડાર જ્ઞાનકળા તણાં. ૧. ત્રણ જગતના આધારને, અવતાર હો કરુણા તણાં, વળી વૈઘ હો દુર્વાર આ, સંસારના દુઃખો તણાં; વીતરાગ વલ્લભ વિશ્વના, તુજ પાસ અરજી ઉચ્ચરું, જાણો છતાં પણ કહી અને આ, હૃદય હું ખાલી કરું. ૨.
Jain Education International
For Private & Personal Use Only
www.jainelibrary.org
