________________
–
કુબેરદત્ત
૫૫
-
કુબેરદત્ત પાસે એ અશ્વો પહોંચતાં જ તેણે પોતાના વિનય તથા મયદાપાલનને અનુરૂપ તે અશ્વોને રાજા વિશ્વકાંતને સુપ્રત કરી દીધા. રાજાજીએ તેને બેમાંથી એક અશ્વ પસંદ કરીને લઈ લેવાનું કહેતાં તેણે એક અલ્પ પસંદ કરી લીધો. બીજો અશ્વ રાજ્યની અશ્વશાળામાં બંધાયો.
આ અરસામાં જ, કુમારને ભોગવટામાં મળેલ મંગલપુર દેશથી કુમારના મિત્ર અને મંત્રી બુદ્ધિધનનો સંદેશો આવ્યો કે આપે આપેલ આદેશ અનુસાર અહીં ભવ્ય જિનાલયનું નિર્માણ કાર્ય પરિપૂર્ણ થયું છે. તેમાં જિનબિંબોની પ્રતિષ્ઠા પણ દશ દિવસના રૂડા મહોત્સવ સહિત કરી છે. હવે આપ તે પ્રભુજીનાં દર્શન કરવા અત્રે પધારો તો રૂડું થાય.
કુમારે પિતાજીની મંજૂરી લીધી અને પોતે પોતાના પરિજનો સાથે મંગલપુર જવા સજ્જ થયો. કુમારની ભાવના નવા આવેલા અશ્વ ઉપર સવાર થઈને જવાની હતી, પરંતુ જ્યોતિષીએ નવા અશ્વ માટેનું મુહૂર્ત થોડા વખત પછીનું કાઢી આપતાં તે અન્ય અશ્વ પર બેસીને ચાલ્યો.
મંગલપુરની જનતાએ કુમારનું ભાવભીનું સામૈયું કર્યું પ્રવેશનો મહોત્સવ પતતાં જ કુમાર સીધો નૂતન જિનચૈત્યનાં દર્શને ઊપડ્યો. ત્યાં બધાં અભિગમોનું તથા મર્યાદાઓનું પાલન કરવાપૂર્વક તેણે પરમાત્માનાં દર્શન કરી અપૂર્વ આહલાદ મેળવ્યો. વિધિવત્ તેણે પૂજા કરી. સ્તોત્રો દ્વારા પ્રભુજીની સ્તવના કરી. ઉત્તમ જિનપૂજા કરાવી, અને પોતાની જાતને કૃતાર્થ અનુભવી.
મહેલે પહોંચી, ભોજનાદિ કાર્યોથી પરવારીને તેણે મંત્રીને આદેશ કર્યો. દશ દિવસનો ઓચ્છવ મંડાવો, નગરમાં અમારિની ઘોષણા કરાવો; મારે પ્રભુભક્તિનો મનોરથ પૂરવો છે, ને લાભ લેવો છે.
મંત્રીએ તત્કાળ તે આદેશનો અમલ કર્યો, અને ભારે ઉલ્લાસપૂર્વક કુમારે દશાલિકા જિનભક્તિનો આનંદ લૂંટ્યો.
આ બધાં મંગલકારી કાર્યો આટોપાતાં જ કુમારને પેલો અશ્વ |
Jain Education International
For Private & Personal Use Only
www.jainelibrary.org
