________________
શ્રીવર્ગ
આ ૨૨૯
સારું કર્યું મારા પિતાજીએ, આવા ઉત્તમ પુરુષને મારી બહેન આપવાનું નક્કી કર્યું તે.
રણસિંહે સુદર્શનની બેડીઓ તોડાવી. તેને સ્નાનાદિ કરાવી શ્રેષ્ઠ વસ્ત્રાભરણો પહેરાવ્યાં. પછી તેને તથા તેના સેવકોને શ્રીવર્મ સમીપે લઈ ગયો. કુમાર પાસે પહોંચતાં જ સુદર્શને તેના ચરણોમાં પ્રણામ કર્યા. તો કુમારે પણ આસન થકી ઊભા થઈને તેને ગાઢ આલિંગન આપ્યું ને યોગ્ય આસને બેસાડ્યો. પોતાના હાથે તેને પાનબીડું આપ્યું.
આ પછી કુમારે તેને ટૂંકાણમાં કહ્યું : સુદર્શન! રાજા મહાબળે કોઈ કાર્યવશ તેમના શ્રીહર્ષ નામના સેવકને અહીં મોકલ્યો છે. એનું કાર્ય આજે જ પતી ગયું હોઈ તે દંતપુર પાછો જઈ રહ્યો છે.
જો કે એણે તો અહીં આવ્યા પછી તારું નામ સુદ્ધાં લીધું નથી, કે નથી તારા વિશે કાંઈ પૂછપરછ કરી, પરંતુ તારા પિતાએ અમારી સાથે અત્યંત સૌજન્યભર્યો અને સૌહાર્દપૂર્ણ વ્યવહાર કરવા માંડડ્યો છે, તે જોઈ મને લાગ્યું કે મારે પણ તેમને આનંદ થાય તેવું કાંઈક કૃત્ય કરવું જોઈએ, એટલે મેં સ્વયં તને છોડ્યો છે.
સુદર્શન આ સાંભળતાં જ ઉતાવળે બોલી ઊઠ્યો : કુમાર! જો મારા બાપુ પ્રસન્ન થાય તેવું તમે ઈચ્છતા હો તો તો તમે મને પાછો બંધનગ્રસ્ત બનાવી કેદમાં રાખો તે વધુ સારું થશે. તેઓ આનાથી બહુ બહુ રાજી થશે. તમે મને છોડો છો શા માટે? સુદર્શનના અવાજમાં એક પ્રકારની ગ્લાનિમિશ્રિત રૂક્ષતા છવાઈ હતી. - શ્રીવર્ગ આ કળી શક્યો. તેણે અત્યંત આર્જવ સાથે કહ્યું : ભાઈ, સુર્દશન! તારા પિતાજીને તું બંધનમાં હો તે વધુ ગમે તે વાત તારી સાવ સાચી, પણ એ બંધન એટલે હાથે પગે બેડી અને કારાગારમાં સબડવું એ નહિ. પણ એ બંધન એટલે તારી ઉદ્ધતાઈ અને સ્વચ્છંદતાનું સ્વયં નિયંત્રણ. તું જો તારી જાતે જ તારા અવગુણોને સંયમિત કરી શકે, તો તે જ તારા માટે બંધન છે; અને એવું બંધન જ તારા બાપુ ઈચ્છતા હોય. બાકી કયા પિતાને
Jain Education International
For Private & Personal Use Only
www.jainelibrary.org
