________________
શિવકેતુ
૧૩
પરંતુ, ત્યાં તેમ થવાનું કારણ, એ કર્મ બાંધનારની તે ક્ષણની મનની હળવાશ જ સમજવાની છે. બાંધતી વખતે કષાયની વાસના જેટલી તીવ્ર, તેટલું કર્મ ને તેનું ફળ પણ તીવ્ર. બાંધતી વખતે કષાયની માત્રા જેટલી મંદ, હળવી, તેટલું તેનું પરિણામ પણ શિથિલ.
તેં જે તારા ભાઈ પરત્વે અદેખાઈ સેવી, તેમાં તારા ચિત્તની કષાય-માત્રા અતિ તીવ્ર હતી; તેનું ફળ તું અત્યારે તો અનુભવે છે, પરંતુ હજી બીજા ભવોમાં પણ તેનું પરિણામ તારે અનુભવવું પડે, તો નકારી ન શકાય.
આ સાંભળીને શિવકેતુ થીજી જ ગયો. આટલી નાની જિંદગીમાં તેના શિરે જે વીતક વીતતી હતી, તેનાથી ઉગરવાનો ઈલાજ તો હજી જડતો નથી ત્યાં આ મહારાજ કહે છે કે હજી બીજા ભવોમાં પણ કર્મોનું પરિણામ તારે વેઠવું પડશે! ઓ પ્રભુ, આ તો કેટલું દોહ્યલું છે? કેમ સહન થશે?
વિહ્વળ સ્વરે તે બોલી ઊઠ્યોઃ ભગવંત! તમે તો જ્ઞાનદિવાકર છો. બધું જ જાણી શકવા સમર્થ છો. કૃપા કરીને મને એ કહોને કે આ મેં બાંધેલ પાપકર્મથી અને તેનાં પરિણામોથી કાયમ માટે બચી જવું હોય તો મારે શું કરવું જોઈએ? અને હું આ બધાંથી બચી શકું કે નહિ? પ્રભુ, મારાથી આ યાતના અત્યારે જ સહન નથી થતી, તો આખી જિંદગી કેમ વેઠીશ? ને વળી ભાંત૨માં પણ આવી યાતના થાય, તેની કલ્પના પણ મારા માટે અસહ્ય છે. મને બચાવો, પ્રભુ! બચાવો!
મુનિવર તો દયાના સાગર હતા. શિવકેતુની વેદના તેમને સ્પર્શી ગઈ. તેમણે તેને આશ્વસ્ત કરતાં કહ્યું : ભદ્ર! દરેક દરદની દવા તો હોય જ. આ કર્મ-રોગની પણ દવા છે. એનું નામ છે દીક્ષા. દીક્ષા લે, તો બધાં પાપો બળીને ભસ્મ થાય ને પછી તેનાં પરિણામો પણ ભોગવવાનાં ન રહે.
Jain Education International
શિવકેતુ હજી તો બાળક હતો. નાદાન કહી શકાય તેવી તેની કાચી વય હતી. તેને બહુ ગમ ન પડી. પણ મુનિરાજ એટલા બધા
For Private & Personal Use Only
www.jainelibrary.org
