________________
શ્રી પાર્શ્વનાથ પંચકલ્યાણક પૂજા
સુણ તપસી સુખ લેનકું, જપે ફોગટ માલા; અજ્ઞાનસે અગ્નિ બિચે, યોગકું પરજાળ. ૮. કમઠ કહે સુણ રાજવી !, તુમે અશ્વ ખેલાવો; યોગીકે ઘર હે બડે, મતકો બતલાઓ. ૯. તેરા ગુરુ કોન છે બડા ? જિને યોગ ધરાયા; નહિ ઓલખાયા ધર્મકું, તનુ કષ્ટ બતાયા. ૧૦. હમ ગુરુ ધર્મ પિછાનતે, નહિ કવડી પાસે; ભૂલ ગયે દુનિયા દિશા, રહતે વનવાસે. ૧૧. વનવાસી પશુ પંખિયા, એસે તુમ યોગી; યોગી નહિં પણ ભોગીયા, સંસાર કે સંગી. ૧૨.
પાર્શ્વકુમારે તે તાપસને કહ્યું કે-હે તપસી ! સાંભળ. તું સુખ મેળવવા માટે ફોગટ માળા જપે છે. તું અજ્ઞાન વડે યોગને (અધ્યાત્મદશાને) અગ્નિમાં બાળી રહ્યો છે. ૮.
કમઠ યોગી કહે છે કે- “હે રાજન્ ! તમે તો ઘોડા ખેલાવી જાણો. યોગીના ઘરે આ રીતે તપ કરવો એ જ વાત મોટી છે. તે તમે સમજી ન શકો. છતાં કાંઈ જાણતા હો તો તમારો અભિપ્રાય બતાવો.૯.
પાર્શ્વકુમારે કહ્યું કે-હે યોગી ! તારા ગુરુ કોણ છે ? કે-જેણે તને આ યોગ ધારણ કરાવ્યો ? તેણે તને ધર્મ ઓળખાવ્યો નથી. ફકત શરીરનું કષ્ટ જ બતાવ્યું છે.” ૧૦.
કમઠ કહે છે કે “હે કુમાર ! અમારા ગુરુ ધર્મને બરાબર ઓળખે છે, એક કોડી પણ પાસે રાખતા નથી, દુનિયાની દિશા ભૂલી ગયા છે અને વનમાં વાસ કરે છે.” ૧૧.
પાર્શ્વકુમાર કહે છે કે વનમાં રહેનારા પશુ-પંખી જેવા તમારા યોગી છે. તે યોગી નથી પણ ભોગી છે, અને સંસારનો સંગ કરનારા છે. ૧૨.
Jain Education International
For Private & Personal Use Only
www.jainelibrary.org
