Page Text
________________
२१०
णिन्जुति-चुण्णिसंजुयं
[णवमं विणयसमाहिअज्झयणं पढमो उद्देसो
धम्मपयप्पविभागोवदरिसणत्थं भण्णति
४४५. लज्जा दया संजम बंभचेरं, कल्लाणभागिरस विसोधिठाणं ।
जे मे गुरू संततमणुसासयंति, ते हं गुरू संतयं पूययामि ॥ १३ ॥
४४५. लज्जा दया० वृत्तम् । अकरणिज्जासंकणं लज्जा। सत्ताणुकंपा दया। सत्तरसविहो संजमो। 5 मेहुणोवरती बंभचेरं। “एगग्गहणे समाणजातीयग्गहण"मिति बंभचेरग्गहणेण मूलगुणुत्तरगुणग्गहणं । एतं समुदितं कल्लाणं मोक्खो तस्स आभागी, तस्स कल्लाणभागिस्स विसोधिटाणं । एतेसु सीतमाण जे मे गुरू सततमणुसासयंति जधा एतेसु न सीतितव्वं, ते हं गुरू तमुपकारमुदिस्स [स]तयं णिचं पूययामि। जस्संतिए धम्मपदाणि सिक्खे ति उपकारमुदिस्स विणयप्पयोगो भणितो ॥१३॥
४४६. जहा णिसंते तवतऽच्चिमाली, पभासती भारहं केवलं तु।
एवाऽऽयरियो सुत-सील-बुद्धिए, विरायती सुरमज्झे व इंदो ॥ १४ ॥
10
४४६. जहा णिसंते. वृत्तम् । जेण प्रकारेण जधा। णिसा रत्ती, तीसे अंते णिसापरिसमत्तिकाले दिवसो तवति पदीपयति । रस्सीओ-अच्चीओ, तासिं माला अच्चिमाला, सा जस्स अत्थि सो अचिमाली, तवंतो य पभासती भारहं केवलं तु, पभासति उज्जोवेति भारहं सव्वदक्खिणं जंबुद्दीववरिसं तं पभासति
केवलं असेसं । तुसद्दो विसेसेति, कमेण सव्वं जंबुद्दीवं । एवमिति ओवमितो अत्यो भण्णति-आयरियो 15 पुव्ववण्णितो सुतेण सीलेण बुद्धीए अचिमालात्थाणीएहिं विरायति सोभती। सुरमझे व हुंदो जधा सामाणियातीण देवाण मज्झगतो इंदो शोभते एवमायरियो गणपरिवुडो शोभते ॥१४॥ विराजते सुरमझे व इंदो इति परोक्खेणोवमाणं कतं । इमं तु पञ्चक्खेण४४७. जधा ससी कोमुदिजोगजुत्तो, णक्खत्त-तारागणपरिवुडप्पा ।
खे सोभते विमले अब्भमुक्के, एवं गणी सोभति भिक्खुमझे ॥ १५ ॥
20 ४४७. जधा ससी० वृत्तम् । जेण प्रकारेण जधा। ससी चंदो। कुमुदाणि-उप्पलविसेसो, कुमुदेहि प्रहरणभूतेहिं क्रीडणं जीए सा कोमुदी, कुमुयाणि वा संति, सा पुण कत्तियपुण्णिमा, कोमुदीए जोगो कोमुदीजोगो, तेण जुत्तो कोमुदिजोगजुत्तो। णक्खत्तेहिं-कत्तियादीहिं तारागणेहि य परिवुडो अप्पा [जस्स] सो णक्खत्ततारागणपरिवुडप्पा। खं आकासं तम्मि विमले धूमिकादिविरहिते अन्भेहि बलाहकादीहि मुके। जधा
सो ससी कोमुदिजोगजुत्तो णक्खत्त-तारा[गण परिवृतो खे विमले अन्भमुक्के सोभते एवं गणी . 25 सोभति भिक्खुमज्झे ॥१५॥ एवमाइतेहिं सोभाविसेसेहिं जुत्ता
१ भाइस्स खं ४ ॥ २ सयय अणु' शुपा० ॥ ३ सययं अचू० विना ॥ ४ "वअचि खं २.३.४ । 'वणऽश्चि खं १ जे० शु० हाटी० अव० ॥ ५ केवल भारहं तु अचू० वृद्ध० विना ॥ ६ विराजते अचूपा० ॥ ७ सीसमझे वृद्धः॥ ८ एवमादिकैः ॥
Jain Education Interational
For Private & Personal Use Only
www.jainelibrary.org
| SR No. | 001151 |
| Book Title | Agam 42 mool 03 Dashvaikalik Sutra |
| Original Sutra Author | Shayyambhavsuri |
| Author | Bhadrabahuswami, Agstisingh, Punyavijay |
| Publisher | Prakrit Granth Parishad |
| Publication Year | 2003 |
| Total Pages | 323 |
| Language | Prakrit, Sanskrit |
| Classification | Book_Devnagari, Agam, Canon, Ethics, & agam_dashvaikalik |
| File Size | 9 MB |