________________
महानिसीह-सुय-खंधं
[२३] एवं नाऊण कायव्वा निच्छिय-दढ-हियय-धीरिया। मह-उत्तिम-सत्त-कुंतेणं भिंदेयव्वा माया-रक्खसी ॥१९२।। बहवे अज्जव-भावेणं निम्महिऊण अणेगहा । विणयातीहंकुसेण पुणो माणवाइंदं वसीयरे ।।१९३।। मद्दव-मुसलेण ता चूरे वसियरिऊ जाव दूरओ। . दखूणं कोह-लोहाही -मयरे निंदे संघडे ॥१९४|| कोहो य माणो य अणिग्गहीया', माया य लोभो य पवड्डमाणा॥ चत्तारि एए कसिणा कसाया, पायंति सल्ले सुदुरुद्धरे बहु ॥१९५।। उवसमेण हणे कोहं माणं मद्दवया जिणे। मायं चज्जव-भावेणं लोहं संतुट्टिए' जिणे ॥१९६।।
[२४] एवं निज्जिय-कसाए जे सत्त-भयट्ठाण-विरहिए। अट्ठमय-विप्पमुक्के य देज्जा सुद्धालोयणं ॥१९७॥ सु-परिफुडं जहावत्तं सव्वं निय-दुक्कियं कहे। णीसंके य असंखुद्धे निब्भीए गुरु-संतियं ।।१९८।। ... भूणे मुद्धडगे बाले जह पलवे उज्जु-पद्धरं २ । अवि उप्पण्णं तहा सव्वं आलोयव्वं जहट्ठियं ॥१९९।। जं पायाले पविसित्ता अंतरजलमंतरे इ वा। कय मह रातोंधकारे वा जणणीए वि समं भवे ॥२००॥ तं जहवत्तं कहेयव्वं सव्वमण्णं पि णिक्खिलं। निय-दक्किय३-सुक्कियमादी आलोयंतेहिं गुरुयणे ॥२०१॥ गुरु वि तित्थयर-भणियं जं पच्छित्तं तहिं कहे। नीसल्ली भवति तं काउं जइ परिहरइ असंजमं ॥२०२।।
[२५] असंजमं भण्णती ४ पावं, तं पावमणेगहा मुणे। हिंसा असच्चं चोरिक मेहुणं तह परिग्गहं ।।२०३।। सद्दा इंदिय-कसाए य मण-वइ-तणु-दंडे तहा। एते पावे अछड्डेतो" णीसल्लो णो य णं भवे ॥२०४|| हिंसा पुढवादि-छब्भेया अहवा णव-दस-चोद्दसहाउ।
अहवा अणेगहा णेया काय-भेदंतरेहि णं ॥२०५॥ हिओवदेसं पमोत्तूण सव्वुत्तम-पारमत्थियं । तत्त-धम्मस्स सव्वसल्लं' मुसावायं अणेगहा ॥२०६।।
१ 'यातीअंकु सु. आ। २ माणगइंदं रवं. सं. ला | माणगइंदं रवं. सं. ला / मानवाजीन्द्रमित्यर्थः । ३ यरियं जाव रवं. सं. ला । ४ कोह कोहाही सु. ला. आ। ५ अणिग्गहिया रवं. सं. सुआ। ६ पोयंति सु. ला. आ। ७ बहू खं. ला. पहू वं सं आ । ८ ट्ठिओ जि आ। ९ सुद्धमालो सं. । १० दुक्खियं सं. । ११ भूतो मुद्ध सु. ला; भूतो वुद्ध आ. । १२ उज्जुए दूरं सु. आ. । १३ नियदुखियसुविखवयं खं.१-३ सं. १४ भण्णई खं २ सं. सु. ला. आ.। १५ अछंडतो ला.। १६ सव्वं अण्णं मुशु.।
Jain Education International
For Private & Personal Use Only
www.jainelibrary.org
