________________
महानिसीह-सुय-खंधं :
आलोएत्ताण णीसल्लं निंदिउं गरहिउं दढं। तह चरती पायच्छित्तं जह सल्लाणमंतं करे ॥१७६।। अण्ण-जम्म-पहुत्ताणं खेत्ती-भूयाण वी दढं । णिमिसद्ध-खण-मुहुत्तेणं आजम्मे णेव निच्छिओ ॥१७७।। सो सुहडो सो य' सप्पुरिसो, सो तवस्सी स-पंडिओ। खंतो दंतो विमुत्तो य, सहलं तस्सेय' जीवियं ।।१७८।। सूरो य सो सलाहो य दट्ठव्वो य खणे खणे। जो सुद्धालोयणं देंतो निय-दुच्चरियं कहे फुडं ॥१७९॥
[२१] अत्थेगे गोयमा ! पाणी जे सल्लं अद्धउद्धियं । माया-लज्जा-भया मोहा झसकारा'-हियए धरे ॥१८०॥ तं तस्स गुरुतरं दुक्खं हीण-सत्तस्स संजणे। से चिंते अण्णाण-दोसाओ णोद्धरं दुक्खिज्जिहं किल ॥१८१।। एग-धारो दु-धारो वा लोह-सल्लो अणुद्धिओ। सल्लेगच्छाम जम्मेगं अहवा संसी भवे इमो॥१८२॥ पाव-सल्लो पुणासंख-तिक्ख-धारो सुदारुणो। बहु-भवंतर-सव्वंगे भिंदे कुलिसो गिरि जहा ।।१८३।।
[२२] अत्थेगे गोयमा ! पाणी जे भव-सय-साहस्सिए। सज्झाय-ज्झाण-जोगेणं घोर-तव-संजमेण य ।।१८४|| सल्लाई उद्धरेऊणं चिरयाला दुक्ख-केसओ। पमाया बिउण-तिउणेहिं पूरिज्जंती पुणो वि य ॥१८५।। जम्मंतरेसु बहुएसु तवसा निद्दड्ड-कम्मुणो। सल्लुद्धरणस्स सामत्थं भवती कह वि जंतुणो ॥१८६।। तं सामग्गिं लभित्ताणं जे पमाय-वसंगए। ते मुसिए सव्व-भावेणं कल्लाणाणं भवे भवे ॥१८७।। अत्थेगे गोयमा ! पाणी जे पमाय-वसं गए। चरते वी तवं घोरं, ससल्लं गोवेंति सव्वहा ॥१८८।। णेयं तत्थ वियाणंति जहा किमम्हेहिं गोवियं ? । जं पंच-लोगपालप्पा-पंचेंदियाणं च न गोवियं ॥१८९।। पंच-महालोग-पालेहि अप्पा-पंचिंदिएहि य । एक्कारसेहिं एतेहिं जं दि8 स-सुरासुरेणं जगेण वी ॥१९०।। ता गोयम ! भाव-दोसेणं आया वंचिज्जई परं।। जेणं चउ-गइ-संसारे हिंडइ सोक्खेहिं वंचिओ ॥१९१॥
१ पुरिसो सु. ला. आ. । २ तस्सेव सु. आ. । ३ मुसकारा सु. ला. आ। ४ स रवं. स. । ५ गत्थाम सु. ला. आ। ६ मंसी सु. आ।
७ ऊणं विरया ता दुसु. ला. । ८ जं पुणो आ. । ९ °सुरे जगे वी ला / सुरे जगे आ। Jain Education International For Private & Personal Use Only
www.jainelibrary.org
