________________
महानिसीह-सुय-खंधं -...
उग्गम-उप्पायणेसणया-बायालिसाए तह य पंचेहिं । दोसेहिं दूसियं जं भंडोवगरण-पाणमाहरं । नव कोडीहिं असुद्धं परिभुंजतो भवे तेणो ॥२०७॥ दिव्वं काम-रई-सुहं तिविहं तिविहेण अहव ओरालं । मणसा अज्झवसंतो अबंभयारी मुणेयव्वो ॥२०८।। नव-बंभचेर-गुत्ती-विराहए जो य साहु समणी वा। दिद्विमहवा सरागं पउंजमाणो अइयरे बंभं ॥२१०॥ गणणा-पमाण-अइरित्तं धम्मोवगरणं' पिय। परिग्गहं वियाणेज्जा तह य मुच्छा जहिं च वत्थूहि ॥२११।।
[२६] दुट्ठाऽपसत्थ -जोगेहिं परिणामं भवइ दारुणं । तप्परिणामऽज्झवसाएणं हिंसा, तणुमवि आरंभमसमियत्तणं तहा ॥२१२।। स कसाय-कूर-भावेणं जा वाणी कलुसिया भवे।। सावज्ज-वइ-दोसेसुंजा पुट्ठा तं मुसा मुणे ॥२१३॥ ससरक्खमवि अविदिण्णं जं गिण्हे तं चोरिक्कयं । मेहण-कर-कम्मेणं सद्दादीण-वियारणे ॥२१४।। परिग्गहं जहिं मुच्छा लोहो कंखा ममत्तयं । अणूणोयरियमाकंठं भुंजे राई-भोयणं ॥२१५।। सद्दस्साणिट्ठ-इयरस्स रूव-रस-गंध-फरिसस्स वा। ण रागंण प्पदोसं वा गच्छेज्जा उ खणं मुणी ॥२१६।।
[२७] कसाय-चउ-चउक्कस मणसि विज्झावणं करे। दुढे मणो-वती-काया-दंडे णो णं पउंजए ॥२१७।। अफासु-पाण-परीभोगं बीय-काय-संघट्टणं। अछड्डेतो इमे पावे णो णं णीसल्लो भवे ॥२१८।। एएसिं महंत-पावाणं देहत्थं जाव कत्थई। एक्कं पि चिट्ठए सुहुमं, णीसल्लो ताव णो भवे ॥२१९।। तम्हा आलोयणं दाऊं, पायच्छित्तं करेऊणं । निखिलं तव-संजमं धम्मं नीसल्लमणुचिट्ठियव्वयं ॥२२०॥ एयं निक्कवड-निभं णीसल्लं काउं तवं । जत्थ जत्थोवज्जेज्जा देवेसु माणुसेसु वा ॥२२१।। तत्थ तत्थुत्तमा-जाई, उत्तमा रिद्धि-संपया। लभेज्जा उत्तम रूवं सोहगं जइ णं णो सिज्झेजा तब्भवे ।।२२२।। त्ति बेमि ॥छ।। महानिसीहसुयक्खधस्स पढम अज्झयण सल्लद्धरण णाम ॥छ।।
१ परिभुंजते ला / परिभुंजंति रवं १-३ । २ माणावमाण आ. । ३ "रणं तहा ला. आ । * फुल्ल्यन्तर्गतोऽयं पाठः ला. आगम शिलापट्टे च नास्ति । ५ दुहा अपस रवं सं. सु.। ६ कसायस्स व चउक्स्स आ । ७ करेउणं रवं १-३ ला. । * फुल्ल्यन्तवर्ति उद्धरार्द्धं ला. शिलापट्टे च नास्ति। ८ वडं निभं सं. ला.। ९ मा सिद्धि ला. आ.।
Jain Education International
For Private & Personal Use Only
www.jainelibrary.org
