________________
महानिसीह-सुय-खधं
...
अणाइ-पाव-कम्म-मलं निद्धोवेमीह केवली। बीयं तं न समायरियं पमाया केवली तहा ॥८३।। “दे दे ! खवओ सरीरं मे, निज्जरा भवउ" केवली। "सरीरस्स संजमं सारं निक्कलंक" तु केवली ॥८४|| "मनसा वि खंडिए सीले पाणे ण धरामि" केवली। “एवं वइ-काय-जोगेणं सीले रक्खे अहं" केवली ॥८५।। एवमादी अणादीया कालाओ णंते मुणी। केइ आलोयणा सिद्धे, पच्छित्ता केइ गोयमा ॥८६|| खंता दंता विमुत्ता य, जिइंदी सच्च-भासिणो । छक्काय-समारंभाओ विरते तिविहेण उ॥८७|| ति-दंडासव-विरया, य इत्थि-कहा-संग-वज्जिया। इत्थी-संलाव-विरया य अंगोवंग-ऽणिरिक्खणा ॥८८॥ निम्ममत्ता सरीरे वि अप्पडिबद्धा महायसा । भीया च्छि-च्छि'-गब्भवसहीणं बह-दुक्खाउ भवाउ तहा ॥८९।। तो एरिसेणं भावेणं दायव्वा आलोयणा। पच्छित्तं पि य कायव्वं तहा जहा चेवेएहिं कयं ।।९।।
[१२] न पुणो तहा आलोएयव्वं माया-डंभेण केणई। जह आलोएमाणाणं चेव संसार-वुड्डी भवे ॥९१।। अणंते ऽणाइकालाओ अत्त-कम्मेहिं दुम्मई। बहुविकप्प-कल्लोले आलोएंते वी अहोगए ॥९२।। गोयम ! केसिं चि नामाई साहिमो, तं निबोधय । जे साऽऽलोयण-पच्छित्ते भाव-दोसेक्क-कलुसिए ॥९३।। ससल्ले घोर-महं दुक्खं दुरहियासं सु-दूसह। अणुहवंति वि चिट्ठति पाव-कम्मे णराहमे ॥९४।। गुरुगा संजमे णाम साहू निद्धंधसे तहा। दिट्ठि-वाया-कुसीले य मण-कुसीले तहेव य ॥९५।। सुहमालोयगे तह य, परववएसालोयगे तहा। किं किंचालोयगे तह य, ण किंचालोयगे तहा ॥९६।। अकयालोयणे चेव जण-रंजवणे तहा। "नाहं काहामि पच्छित्तं." छम्मालोयणमेव य ॥९७॥ माया-डंभ-पवंची य, पुर-कड-तव-चरणं कहे। “पच्छित्तं णत्थि मे किंचि,” “न कया लोयणु" च्चरे ॥९८॥
१ एवमाई सु. एवमाइ रवं. सं. एवंमया आ. एवमायी ला. । २ काला णं ते पुणो मुणी सु. आ. | ३ व निरया वं. सं. ला. । ४ य ला. | ५ भीया त्थि त्थि ग सं. ला. भीया इत्थि ग सु. आ. ग सु. आ. भीया इथि तिथ ग । ६ 'माणेणं सु. ला. आ । ७ नामाई
सं. सु ला आ.। ८ "यणे पखं.। ९ छम्मासालों सं. । १० काया खं.। Jain Education International For Private & Personal Use Only
www.jainelibrary.org
