________________
महानिसीह-सुय-खंधं
आसण्णालोयणक्खाई, लहु-लहु-पच्छित्त-जायगे। “अम्हाणालोइयं चिट्टे, मुहबंधालोयगे तहा ।।९९।। “गुरु-पच्छित्ताऽहमसक्के" य गिलाणालंबणं कहे। अरडालोयगे साह सुण्णाऽसण्णी तहेव य॥१०॥ "णिच्छिण्णे वि य पच्छित्ते, न काह" वुढिजायगे । रंजवण-मेत्तलोगाणं वाया-पच्छित्ते तहा ।।१०१।। पडिवज्जण-पच्छित्ते, चिर-याल-पवेसगे तहा। अणणुट्ठिय-पायच्छित्ते, "अणुभणियऽण्णहाऽऽयरे तहा ॥१०२।। आउट्टीय महा-पावे, कंदप्पा-दप्पे तहा। अजयणा-सेवणे तह य, सुयाऽसुय-पच्छित्ते तहा ।।१०३।। दिट्ठ-पोत्थय-पच्छित्ते सयं पच्छित्त-कप्पगे। एवइयं एत्थ' पच्छित्तं पुव्वालोइय-मणुस्सरे ॥१०४॥ जाती-मय-संकिए चेव, कुल-मय-संकिए तहा। जाती-कुलोभय-मयासंके, सुत-लाभिस्सरिय -संकिए तहा ॥१०५।। तवो-मया-संकिए घेव, पंडिच्च-मय-संकिए तहा। सक्कार-मय-लुद्धे य, गारव-संदूसिए तहा ॥१०६।।" "अपुज्जो वा विहं जम्मे, एगजम्मेव" चिंतगे। पाविट्ठाणं पि पावतरे सकलुस-चित्तालोयगे ॥१०७।। पर-कहावगे चेव अविणयालोयगे तहा। अविहि-आलोयगे साहू-एवमादी दुरप्पणो ॥१०८।। अणंतेऽणाइ-कालेणं गोयमा ! अत्त-दुक्खिया। अहो अहो जाव सत्तमियं भाव-दोसेक्कओं गए ॥१०९।। गोयम ! गंते चिट्ठति जे अणादीए ससल्लिए। निय-भाव-दोस-सल्लाणं भुजंते विरसं फलं ॥११०।। चिट्ठइसंति अज्जावि तेणं सल्लेण सल्लिए। अणंतं पि अणागयं कालं तम्हा सल्लं न धारए खणं मुणि त्ति ॥१११।।
[१३] गोयम ! समणीण णो संखा जाओ निक्कलुस-नीसल्ल-विसुद्ध -सुनिम्मल-विमल-माणसाओ अज्झप्पविसोहिए आलोइत्ताण सुपरिफुडं नीसंकं निखिलं निरावयवं निय-दुच्चरियमादीयं सव्वं पि भावसल्लं। अहारिहं तवो-कम्मंपायच्छित्तमणुचरित्ताणं गिद्धोयपाव-कम्म-मल-लेव-कलंकाओ उप्पण्ण-दिव्व-वर-केवलनाणाओ। महाणुभागाओ महायसाओ महा-सत्त-संपण्णाओ सुगहियनामधेज्जाओ" अणंतुत्तम-सोक्ख-मोक्खं पत्ताओ।
कासिंचि २ गोयमा ! नामे पुण्ण-भागाण साहिमो। जासिमालोयमाणीणं उप्पण्णं समणीण केवलं ॥११२।।
१ चेट्टे सुह सु. ला. आ. | २ आरभडा सु. आ. । ३ तुट्ठीजा सं. । ४ अण्ण भ. रवं. सं. ला. । ५ इत्थ सं. । ६ लाभेस्सिरि रवं. सु. आ। ७ व दोसकओ सु. आ.1 ८°णादिए सं. सु. ला आ। ९ द्ध-सुद्ध-निम्मल-वयण-मा आ. 'माइयं सु. ला. आ । १० भावाओ सं. । ११ धेयाओ खं. सं। १२ कासिं च खं सु. ला।
Jain Education International
For Private & Personal Use Only
www.jainelibrary.org
