________________
महानिसीह-सुय-खंधं
"हा हा ! दुहु-कडे साहूँ" "हा हा !' दुडु विचिंतिरे।" "हा हा ! दुट्ठ-भाणिरे साहूँ" "हा हा ! दुट्ठमणुमते” ॥६६॥ संवेगालोयगे तह य भावालोयण-केवली । पय-खेव-केवली चेव, मुहणंतग-केवली तहा ॥६७।। पच्छित्त-केवली सम्मं महा-वेरग्ग-केवली। आलोयणा केवली तह य “हा! हं पावि"३ त्ति-केवली ॥६८॥ उस्सुत्तुम्मग्ग-पण्णवए “हा हा ! अणायार"-केवली। 'सावज्जं न करेमि त्ति अक्खंडिय-सील-केवली ॥६९।। तव-संनम-वय-संरक्खे निंदण -गरिहणे तहा। सव्वत्तो सील-संरक्खे, कोडी-पच्छित्तए वि य ॥७०।। निप्परिकम्मे अकंड्यणे अणिमिसच्छी य केवली । एग-पासित्त दो पहरे मूणव्वय-केवली तहा ॥७१।। न सक्को काउ सामण्णं 'अणसणे ठामि केवली। नवकारकेवली तह य निच्चालोयण -केवली ॥७२॥ निसल्ल-केवली तह य सल्लद्धरणकेवली। धन्नोमि त्ति सपुण्णो स ता हं पी किं ण ? केवली ॥७३।। "ससल्लो हं न पारेमि'' चल-कट्ठ-पय-केवली । पक्ख-सुद्धाभिहाणे य चाउम्मासी य केवली ||७४॥ संवच्छर-मह-पच्छित्ते ‘हा ! चल-जीविते" तहा । “अणिच्चे खण-विद्धंसी मणुयत्ते" केवली तहा ॥७५।। आलोय-निंद-वंदियए घोर-पच्छित्त-दुक्करे। लक्खोवसग्ग-पच्छित्ते सम-हियासण-केवली ॥७६।। हत्थोसरण-निवासे य अट्ठकवलासि१ केवली। एग-सित्थग-पच्छित्ते दस-वा से केवली तहा ॥७७।। पच्छित्ताढवगे चेव पच्छित्तद्ध-कय-केवली। पच्छित्त-परिसमत्ती य अट्ठ-स-उक्कोस-केवली ॥७८॥ “न सुद्धी वि न पच्चित्ता, ता वरं खिप्प" केवली। एग काऊण पच्छित्तं बीयं न भवे जह चेव केवली ॥७९।। "तं चायरामि पच्छित्तं जेणागच्छई" केवली। 'तं चायरामि जेण तवं सफलं होई" केवली ॥८०॥ किं पच्छित्तं चरंतो हं चिटुं णो ? तव-केवली। जिणाणमाणं ण लंघे हैं" पाण-परिच्चयण-केवली ॥८१|| 'अण्णं होही सरीरं मे, नो बोही चेव" केवली। "सुलद्धमिणं सरीरेणं पाव-निड्डहण-"केवली ॥८२।।
१ हा हा हा ! खं. ला. । २ यण के सं सू ला. आ. | ३ पावे खं. १-३ । ४ उम्मुत्तु सू. ला. आ. । ५ निंदणे सू. ला. । ६ च्छित्ते वि खं. ७ तह मूणब्वय केवली सं. सु. ला. । ८ तिब्बा लो सू. आ. । ९ चलं जीवियं तहा सु. आ। १० सम्मऽहिं खं । ११ अद्धकव सु. आ. ला. । १२ दसावा. सु. ला. आ. | १३ नाय जं. सं. ला.।
Jain Education International
For Private & Personal Use Only
www.jainelibrary.org
