________________
महानिसीह-सुय-खंधं ज.
देज्जा आलोयणं सुद्धं अट्ठ-मय-ट्ठाण-विरहिओ रंजेंतो धम्मतित्थयरे सिद्धे लोगग्ग-संठिए ॥५१॥ आलोएत्ताण णीसल्लं, सामन्नेण' पुणो वि य। वंदित्ता चेइए साहू, विहि-पुव्वेण खमावए ॥५२॥ खामेत्ता पाव-सल्लस्स, निम्मूलुद्धरणं पुणो। . करेज्जा विहि-पुव्वेणं, रंजेंतो ससुरासुरं जगं ॥५३॥
[१०] एवं होऊण नीसल्लो', सव्व-भावेण पुणरवि । विहि-पुव्वं चेइए वंदे, खामे साहम्मिए तहा ॥५४॥ णवरं जेण समं वत्थो३ जेहिं सद्धिं पविहरिओ। खर-फरुसं चोइओ जेहिं, सयं वा जो य चोइओ ॥५५॥ जो वि य कज्जमकज्जे वा, भणिओ खर-फरुस-निट्ठरं । पडिभणियं जेण वी किंचि सो जइ जीवइ जई मओ ॥५६॥ खामेयव्वों सव्व-भावेणं जीवंतो जत्थ चिट्ठइ। तत्थ गंतूण विणएण, मओ वी साहुसक्खियं ॥५७|| एवं खामण-मरिसामणं काउं, तिहुयणस्स वि भावओ। सुद्धो मण-वइ-काएहिं, एयं घोसेज्ज निच्छिओ ॥५८।। खामेमि अहं सव्वे, सव्वे जीवा खमंतु मे।। मेत्ती मे सव्वभूएसुं, वे मज्झं ण केणई ॥५९।। खमामि हं पि सव्वेसिं, सव्व-भावेण सव्वहा। भवभवेसु वि जंतूणं, वाया-मणसा य कम्मणा ॥६०|| एवं घोसेत्तु वंदिज्जा, चेइय-साहू विहीय उ । गुरुस्सावि विही-पुव्वं, खामण-मरिसामणं करे ॥६१।। खमावेत्तु गुरुं सम्मं ताण-महिमं स-सत्तिओ। काऊणं, वंदिऊणं च विहि-पुव्वेण पुणो वि य ॥६२।। परमत्थ-तत्त"-सारत्थं, सल्लुद्धरणमिमं सुणे। सुणित्ता तहमालोए जह आलोयंतो चेव उप्पए केवलं नाणं ॥६३॥ दिन्नेरिस-भावत्थेहिं नीसल्ला आलोयणा। जेणालोयमाणाणं' चेव उप्पण्णं तत्थेव केवलं ॥६४||
[११] केसिं चि साहिमो नामे महासत्ताण गोयमा !। जेहिं भावेणालोययंतेहिं केवलनाणमुप्पाइयं ॥६५।।
१ सामत्तेण-सामस्त्येनेत्यर्थः । २ निसल्लो खं. सं. । ३ वुच्छो ला, । ४ फुरुं सु. आ.; 'सं संचों जि. । ५ वा सं. । ६ जइ सु. आ. । ७ खमिय सु आ. । ८ साक्खि ला. जि. । ९ सुहमेण वइ खं. १-३ । १० निच्छओ सू. ला. आ. सं जि. । ११ मित्ती खं, २ सं सू. ला. आ. । १२ खमावेमि अ. जि. / खमामहं सू आ. / खमामि अहं सं खं. २ ला. । १३ भवे भ, खं. २ सू. ला. आ. । १४ एवं वंदिज्जा चेइय साहू सक्खं विही सू आ जे. । १५ तत्थ सा ला. । १६ मुणे मुणेत्ता सू. ला. आ जि. । १७ माणेणं सू आ. । १८ समुप्पए
के जि.। Jain Education International For Private & Personal Use Only
www.jainelibrary.org
