Agam 39 Chhed 06 Mahanishith Sutra

SR No.: 001149
Original Sutra Author: N/A
Author: Punyavijay, Rupendrakumar Pagariya, Dalsukh Malvania, H C Bhayani
Publisher: Prakrit Granth Parishad
Publication Year: 1994
Total Pages: 284
Language: Prakrit
Classification: Book_Devnagari, Agam, Canon, Ethics, & agam_mahanishith
File Size: 19 MB

Page 237

१५६
महानिसीह-सुय-खंधं अ.
संजमं जयणं ण याणइ । अजयणा दोसेणं तु सव्वत्थ असंजम-पएसु णं अवरज्झे । तओ तस्स गुरुहिं भणियं जहा 'भो भो महासत्त! तए अण्णाण-दोसओ संजम-जयणं अयाणमाणेणं महंते काय-केसे समाढत्ते। नवरं जइ निच्चालोयणं दाऊणं पायच्छित्तं ण काहिसि ता सव्वमेयं निप्फलं होही । ता जाव णं गुरुहिं चोइए ताव णं से अणवरयालोयणं पयच्छे । से वि णं गुरू तस्स तहा पायच्छित्ते पयाइ । जहा णं संजम-जयणं 'णणू एगंतेणेव अहन्निसाणुसमयं रोट्ट-ज्झाणाइविप्पमुक्के सुहन्झवसाय-निरंतरे पविहरेज्जा।
अहण्णया णं गोयमा ! से पावमती जे केइ छट्ठ-ट्ठम-दसम-दुवालसद्धमास-मास-जावणं छम्मास-खवणाइए अन्नयरे वा सुमहं काय-केसाणुगए पच्छित्ते से णं तह त्ति समणुढे । जे य उणं एगत-संजम-किरियाणं जयणाणुगए मणोवइ-काय-जोगे सयलासव-निरोहे सज्झाय-ज्झाणावस्सगाईए असेस-पाव-कम्म-रासि-निद्दहणे पायच्छित्ते से णं पमाए अवमन्ने अवहेले असद्दहे सिढिले जाव णं किल किमित्थ दुक्करं ति काऊणं न तहा समणुढे। ___ अण्णया णं गोयमा ! अहाउयं परिवालिऊणं से सुसढे मरिऊणं सोहम्मे कप्पे इंदसामाणिए महिड्डी देवे समुप्पन्ने । तओ वि चविऊणं इहई वासुदेवो होऊणं सत्तम-पुढवीए समुप्पन्ने । तओ उव्वट्टे समाणे महा काए हत्थी होऊणं मेहुणा-सत्त-माणसे मरिऊणं अणंत-वणस्सतीए गय' त्ति । __एस णं गोयमा! से सुसढे जे णं आलोइय-निंदियगरहिए णं कय-पायच्छित्ते वि भवित्ताणं जयणं अयाणमाणे भमिही सुइरं तु संसारे।
[४२] से भयवं ! कयराओ य तेणं जयणा न विन्नाया, जओ णं तं तारिसं सुदुक्करं काय-केसं काऊणं पि तहा वि णं भमिहिइ सुइरं तु संसारे ? गोयमा ! जयणा णाम अट्ठारसण्हं सीलंग-सहस्साणं संपुन्नाणं अखंडिय-विराहियाणं जावज्जीव-महण्णिसाणुसमयं धारणं कसिणं संजम-किरियं अणुमन्नंति । तं च तेण न विण्णायंति । ते णं तु से अहण्णे भमिहिइ सुई तु संसारे।
से भयवं ! केणं अटेणं तं च तेणं ण विण्णायंति ? गोयमा ! ते णं जावइए काय-केसे कए तावइयस्स अद्ध-भागेणेव जइ से बाहिर-पाणगं विवज्जते ता सिद्धीए मणुवयंते णवरं तु तेण बाहिर-पाणगे परिभुत्ते बाहिरपाणग परिभोइस्स णं गोयमा ! बहूए वि कायकेसे णिरत्थगे हवेज्जा । जओ णं गोयमा ! आऊ-तेऊ-मेहुणे एए तओ वि महापावट्ठाणे अबोहिदायगे एगंतेणं वि वज्जियव्वे, एगंतेणं ण समायरियव्वे सुसंजएहिं ति, एतेणं
अटेण तं च तेणं ण विण्णाय' त्ति। __‘से भयवं ! केणं अट्टेणं आउ-तेऊ-मेहुणे त्ति । अबोहिदायगे समक्खाए ? 'गोयमा ! णं सव्वमवि छक्कायसमारंभे महापावट्ठाणे किंतु आऊ-तेउकाय-समारंभे णं अणंत-सत्तोवघाए, मेहुणासेवणेणं तु संखेज्जासंखेज्जसत्तोवघाए घण-राग-दोस-मोहाणुगए एगंत-अप्प-सत्थज्झवसायत्तमेव । जम्हा णं एवं तम्हाओ गोयमा ! एतेसिं समारंभासेवणपरिभोगादिसु वट्टमाणे पाणी पढममहव्वयमेव ण धारेज्जा । तयभावे अवसेसमहव्वय-संजमट्ठाणस्स अभावमेव । जम्हा एवं तम्हा सव्वहा विराहिए सामण्णे । जओ एवं तओ णं पवत्तियसंमग्गपणासित्तेणेव गोयमा! तं किं किंपि कम्मं निबंधेज्जा जे णं तु नरय-तिरिय-कुमाणुसेसु अणंत-खुत्तो पुणो पुणो धम्मो त्ति अक्खराई सिमिणे वि णं अलभमाणे परिभमेज्जा । एएणं अटेणं आऊ-तेऊ-मेहुणे अबोहिय-दायगे गोयमा! समक्खाए
ति।
___ 'से भयवं ! किं छट्ठ-ट्ठम-दसम-दुवालसद्ध-मास-मासे जाव णं छम्मास-खवणाईणं अच्चंत-घोर वीरुग्गकट्ठ-सुदुक्करे-संजम-जयणावियले सुमहंते वि उ काय-केसे कए निरत्थगे हवेजा ? गोयमा ! णं णिरत्थगे हवेज्जा ।
१ जयणं भूयगं तेणेव हे.
.