________________
महानिसीह-सुय-खंधं
१५५
जइ णं कयाइ परकय-कम्म-संकमं भवेज्जा ता णं सव्वेसिं पि भव्व-सत्ताणं असेस-कम्म-क्खयं-काऊण सिझेज्जा । णवरं परकयकम्मं ण कयादी कस्सई संकमज्जा । जं जेण समज्जियं तं तेण समणुभवियव्वयं ति गोयमा ! जया णं निरुद्ध जोगे हवेज्जा, तया णं असेसंपि कम्मट्ठ-रासिं अणुकाल-विभागेणेव गिट्ठवेज्जा सुसंवुडा सेसासवदारे।
[३९] जोगनिरोहेणं तु कम्मक्खए दिटे, ण उण काल-संखाए । जओ णं।
काले णं तु खवे कम्मं, काले णं तु पबंधए । एगं बंधे खवे एगं, गोयमा ! कालमणंतगं ॥१३३।। णिरुद्धेहिं तु जोगेहिं वेए कम्मं ण बंधए । पोराणं तु पहीएज्जा, णवगस्साभावमेव तु ॥१३४।। एवं कम्मक्खयं विंदा, णो एत्थं कालमुद्दिसे । अणाइकाले जीवे य, तहा वि कम्मं ण निट्ठिए ॥१३५।। खाओवसमेण कम्माणं जया वीरियं समुच्छले । कालं खेत्तं भवं भावं दव्वं संपप्प जीवे तया ॥१३६।। अप्पमादी खवे कम्मं जे जीवे तं कोडिं चडे। जो पमादि पुणो णतं कालं कम्मं निबंधिया ॥१३७।। निवसेज्जा चउगईए उ सव्वत्थाच्चंत-दुखिए। तम्हा कालं खेत्तं भवं भावं संपप्प गोयमा ॥ मइमं अइरा कम्मक्खयं करे ॥१३९।।
[४०] ‘से भयवं! सा सज्जसिरी कहिं समववन्ना ? गोयमा ! छट्टीए णरय-पुढवीए । 'से भयवं! केणं अद्वेणं? गोयमा ! तीए पडिपुण्णाणं साइरेगाणं णवण्हं मासाणं गयाणं इणमो विचिंतियं जहा णं पच्चूसे गब्भं पडावेमि, त्ति एवमज्झवसमाणी चेव बालयं पसूया । पसूयमेत्ता य तक्खणं निहणं गया । एतेणं अटेणं गोयमा ! सा सुज्जसिरी छट्ठियं गय' त्ति।
_ 'से भयवं ! जं तं बालगं पसविऊणं मया सा सुज्जसिरी तं जीवियं किं वा ण व त्ति' ? 'गोयमा ! जीवियं' । से भयवं ! कहं ? गोयमा ! पसूयमेत्तं तं बालगं तारिसेहिं जरा-जर-जलुस-जंबालपूइ-रुहिर-खार-दुगंधासुईहिं विलत्तमणाहं विलवमाणं दट्टणंकुलाल-चक्कस्सोवरि काऊणं साणेणं समुद्दिसिउमारद्धं ताव णं दिळं कुलालेणं। ताहे धाइओ सघरणिओ कुलालो । अविणासिय वाल-तणू पणदो साणो । तओ कारुण्ण-हियएणं अपुत्तस्स णं पुत्तो एस मज्झ होहिइ त्ति वियप्पिऊणं कुलालेणं समप्पिओ रो दालगो गोयमा! स दईयाए।
तीए य सब्भाव-णेहेणं परिवालिऊणं माणुसी कए से बालगे। कयं च पामं कुलालेणं लोगाणुवित्तीए सजणगाहिहाणेणं । जहा णं सुसढो । अण्णया कालक्कमेणं गोयमा ! सुसाहु-संजोग-देसणापुव्वेणं पडिबुद्धे णं सुसढे पव्वइए य।
जाव णं परम-सद्धा-संवेग-वेरग्ग-गए। अच्चंत घोर-वीरूग्ग-कट्ठसुदुक्करं महाकायकेसं करेइ ।
१ यं विंदे ण एत्थं खं. / यं विंदा णाणा एत्थं ला. विंसा णाणोत्थं खं. । २ भाव संपप्प जीवे तया खं.।
Jain Education International
For Private & Personal Use Only
www.jainelibrary.org
