Page Text
________________
१५४
महानिसीह-सुय-खंधं अ:
भणिउमाढत्तो, तं जहाएरिस कम्म-रयाणं जंण पडे खडहडितयं वज्जं। तं णूण इमं चिंतेइ सो वि जहित्थीविउ मे कत्थ सुज्झिस्सं ? ॥१२२॥ ति भाणिऊणं चिंतिउं पवत्तो सो महापावयारी।
जहा किं छिंदामि अहयं सहत्थेहिं तिलं तिलं सगत्तं ? किं वा णं तुंगगिरियडाओ पक्खिविउं दर्द संचुन्नेमि ? इनमो अणंत-पाव-संघाय-समुदयं दुटुं ? किं वा णं गंतूण लोहयार-सालाए सुतत्त-लोह-खंडमिव घण-खंडाहिं चुण्णावेमि सुइरमत्ताणगं ? किं वा णं फालावेऊण मज्झोमज्झीए तिक्ख-करवत्तेहिं अत्ताणगं पुणो संभरावेमि अंतो सुकड्डिय-तउय-तंब-कंसलोह-लोणूससज्जियक्खारस्स ? किं वा णं सहत्थेणं छिंदामि उत्तमंगं? किं वा णं पविसामि मयरहरं ? किं वा णं उभयरुक्खेसु अहोमुहं विणिबंधाविऊणमत्ताणगं हेट्ठा पजलावेमि जलणं ? किं बहुणा णिद्दहेमि कट्टेहिं अत्ताणगं ति ? चिंतिऊणं जाव णं मसाणभूमीए, गोयमा! विरइया महती चिई । ताहे सयल-जण-सन्निझं सुई निंदिऊण अत्ताणगं साहियं च सव्व-लोगस्स । जहा णं 'मए एरिसं एरिसं कम्मं समायरियं' ति भाणिऊण आरूढो चीयाए । जाव णं भवियव्वयाए निओगेणं तारिस-दव्व-चुन्न-जोगाणुसंसढे ते सव्वे वि दारु त्ति काऊणं फूइज्जमाणे वि अणेग-पयारेहिं तहा विणं पयलिए सिही। तओ य णं धिद्धिकारेणोवहओ सयल-गोववयणेहिं जहा-'भो भो पेच्छ पेच्छ हुयासणं पि ण पज्जले पावकम्म-कारिस्सं ति भाणिऊणं निद्धाडिए ते बेवि गोउलाओ।
[३७] एयावसरम्मि उ अण्णासन्न-सन्निवेसाओ आगए णं भत्त-पाणं गहाय तेणेव मग्गेण उज्जाणाभिमुहे मुणीण संघाडगे । तं च दद्दूण अणुमग्गेणं गए ते बेवि पाविट्टे । पत्ते य उज्जाणं । जाव णं पेच्छंति सयल-गुणोह धारि चउण्णाण-समन्नियं बहु-सीसगण-परिकिन्नं देविंदं नरिदं वंदिज्जमाण-पायारविंदं सुगहिय-नामधेज्जं जगानंद-णाम अणगारं । तं च दट्टणं चिंतियं तेहिं जहा णंदे मग्गामि विसोहि-पयं एस महायसे त्ति चिंतिऊणं तओ पणाम-पुव्वगेणं उवविढे ते जहोइए भूमिभागे पुरओ गणहरस्स, भणिओ य सुज्जसिवो तेण गणहारिणा जहा णं 'भो भो देवाणुप्पिया ! णीसल्लमालोएत्ताणं लघु करेसुं सिग्धं असेस पाविट्ठ-कम्म-निट्ठवणं पायच्छित्तं। एसा उण आवण्णसत्ताए पाणयाए पायच्छित्तंणत्थि जावणंणो पसूया। ताहेगोयमा! सुमहच्चंत- परम-महासंवेगगए से णं सुज्जसिवे आजम्माओ नीसल्लालोयणं पयच्छिऊण जहोवइटुं घोरं सुदुक्करं महंतं पायच्छित्तं अणुचरित्ताणं। तओ अच्चंत-विसुद्ध-परिणामो सामण्णमब्भुट्ठिऊणं छव्वीसं संवच्छरे तेरस य राइदिए 'अच्चंतघोर-वीरुग्ण-कट्ठ-दुक्कर-तव-संजमं-समणुचरिऊणं जाव णं एग-दु-ति-चउ-पंच-छम्मासिएहिं खमणेहिं खवेऊणं निप्पडिकम्म-सरीरत्ताए अप्पमाययाए सव्वत्थामेसु अणवरय-महन्निसाणुसमयं सययं सज्झाय-झाणाईसु णं णिद्दहिऊणं सेस-कम्ममलं अउव्व-करणेणं खवग-सेढीए अंतगड-केवली जाए सिद्धे य ।
[३८] से भयवं ! तं तारिसं महापावकम्मं समायरिऊणं तहा वी कहं एरिसेणं से सुज्जसिवे लहुं थेवेणं कालेणं परिनिव्वुडे' त्ति ? गोयमा ! ते णं जारिसं भावट्ठिएणं आलोयणं विइन्नं जारिस संवेगगएणं तं तारिसं घोरदुक्कर महंतं पायच्छित्तं समणुट्ठियं जारिसं सुविसुद्ध-सुहज्झवसाएणं तं तारिसं अच्चंत-घोर-वीरुग्ग-कट्ठ-सुदुक्करतव-संजम-किरियाए वट्टमाणेणं अखंडिय-अविराहिए मूलुत्तरगुणे परिपालयंतेणं निरइयारं सामण्णं णिव्वाहियं, जारिसेणं रोद्दट्टज्झाण-विप्पमुक्केणं णिट्ठिय-राग-दोस-मोह-मिच्छत्त-मय-भय-गारवेणं मज्झत्थ-भावेणं अदीणमाणसेणं दुवालस वासे संलेहणं काऊणं पाओवगमणमणसणं पडिवण्णं । तारिसेणं एगंत सुहज्झवसाएणं णं केवलं से एगे सिज्झेज्जा।
धडहडितयं ला. । २ लोगव. ला.। ३ गए तेविला. । ४ समंतियं खं।
Jain Education International
For Private & Personal Use Only
www.jainelibrary.org
| SR No. | 001149 |
| Book Title | Agam 39 Chhed 06 Mahanishith Sutra |
| Original Sutra Author | N/A |
| Author | Punyavijay, Rupendrakumar Pagariya, Dalsukh Malvania, H C Bhayani |
| Publisher | Prakrit Granth Parishad |
| Publication Year | 1994 |
| Total Pages | 284 |
| Language | Prakrit |
| Classification | Book_Devnagari, Agam, Canon, Ethics, & agam_mahanishith |
| File Size | 19 MB |